水上的士紅磡半日遊路線推介！平遊維港夜景＋3大靚景打卡位＋180度海景靚View餐廳 ｜區區有Fun（新假期APP限定）
撰文：KL ｜攝影：圖片來源：新假期資料庫、IG、相關機構
水上的士紅磡半日遊
1. Fabrik Restaurant & Bar 平歎180度海景餐廳
三軍未動，糧草先行！去玩當然要食飽飽先啦！位於紅磡海名軒的Fabrik Restaurant & Bar開業約兩個月左右，餐廳設計樸實無華 ，以簡單陳設襯托出食物的味道，其單邊180度海景更是擁有一流的景緻，一邊歎美食，一邊歎海景，認真一流。餐廳內更開設La Gallery咖啡室，就算不餓，上去歎杯咖啡Chill吓也不錯！餐廳食品以西餐為主，如意粉、薄餅、牛排等等，比較有趣的是餐廳有Emoji特色飲品，按你當日的心情揀選合自己的飲品。
記者覺得在鬧市中竟然有如此旺中帶靜的地方，擁有海景之餘收費也不算太貴，而且地方寬闊，拍攝當日幾近滿座但仍然不算太過嘈吵，與朋友共聚不妨考慮它。
- Fabrik Restaurant & Bar
- 地址：紅磡環海街11號海名軒5樓 （顯示地圖）
- 開放時間：10:00am-10:00pm；La Gallery: 10:00am -5:00pm
- 電話：9729 2559
- Facebook：FABRIK Restaurant & Bar
2. 黃埔3大靚景打卡位 彩虹隧道+ Tiffany Blue夢幻海濱長廊＋廣闊大草地
食完好西，當然要去打卡位影靚相啦！黃埔打卡位其實都好多㗎！最著名的當然是彩虹隧道啦！白天與夜晚各有不同美感，絕對打卡必到呀；海景軒外有一條外濱長郎，其中的欄杆特別髹上碧藍色（Tiffany Blue），非常適合女士打卡 ，有維港又有喜愛的顏色，非常合襯；臨上船前，不妨到碼頭附近的嘉里酒店，酒店竟然有一秘境，除了有大草地外，更可以遠眺維港景色，黃昏時間更可以睇日落和享受Magic Hour，非常寫意。
記者走遍3個景點，人流不算太多，輕鬆拍攝無人場境，非常適合打卡！唯海濱長廊更多跑手、長者及地產經紀在此推銷，要拍攝的話可能要格外留神，不要影響到其他人。
3. 水上的士 夜遊維港
全日重點，自然是乘搭水上的士啦！雖然叫「水上的士」，但其實屬於觀光及旅遊性質。每位$48，全程約70分鐘，每逢星期六晚上出發，一星期只有一班船，由紅磡出發，途經尖沙咀及中環，再以相同路線折返至紅磡。除了可以欣賞維港兩岸景色外，到了8點更睇到「幻彩詠香江」。船艙一共有兩層，設施相當齊全，有冷氣，育嬰室、行李架及水吧小賣部，船隻離岸後，乘客便可隨意在船上走動。記者推介大家到上層甲板，因為可以欣賞更開闊的景色。留意水上的士報名人數都頗滿，所以有心水日子後，記得提早預約。
幻彩詠香江在兩岸已經看過很多次 ，但記者還是首次在海上欣賞，同一時間可以看到兩邊的激光，感覺份外有趣，而且價錢不算太貴，在不能外遊的情況下，不如將自己化身成為遊客，看看美麗的香港。如果想影船尾打卡位，不妨考慮在紅磡碼頭下船，拍攝當日大部份乘客都選擇在尖東碼頭下船，所以待下船後再拍，便可以有較多空間拍攝。
- 水上的士
- 登船地點：紅磡（南）渡輪碼頭、尖沙咀一號梯台、中環九號公眾碼頭
- 航班時間：逢星期六晚 7:20pm
- 費用：48港元（全程）
- 網址：www.hongkongwatertaxi.com.hk
