【紅磡】橫掃紅磡小食！瘋狂掃街地圖！
紅磡區絕對是飲食小店的集中地，特別是必嘉街與黃埔街一帶，筆者在區內隨意走走，每條街十間有八間都是食店，中日韓台咩都有，反而經常充斥香港的藥房和金鋪倒少見！而食店當中，更有不少多年老字號的小吃店，事不宜遲，即刻同大家瘋狂掃街！
1.紅磡鎮區之寶！時新雙層漢堡蛋包！
如果你未食過時新嘅漢堡包，你可能要再重新思考自己是否香港人，時新老闆鍾氏兄弟，由７０年代接爸爸手經營時新快餐店，經歷麥當勞來港，紅磡填海等低潮，依靠的是對漢堡包的執著，漢堡扒堅持以新鮮牛肉用人手壓制，用番茄、青瓜等十多種材料混合成秘制沙律醬，即叫即製，成就了這個港式快餐店傳奇。
時新快餐店
地址：紅磡黃埔街1A地下（顯示地圖）
營業時間：星期一至日 11am – 9pm
2.韓國Cooking MaMa！即叫即製紫菜卷！
這家開店不久的韓國店，由兩位不同年紀的韓籍媽媽主理，年長的主力負責泡茶及醃製食物，另一位則主打即製韓食，而筆者推介的韓式紫菜卷，即叫即製，材料正宗，而且位置於幾家「長龍」小食店之間，是個不錯的等食中途加油站！
韓國泡菜 慶州
地址：紅磡黃埔街10號B（顯示地圖）
3. 極邪惡！熱溶芝士熱狗！
經新假期FB介紹後一炮而紅，這上年尾新開的熱狗店，香腸款式很多，都是德國正宗口味，如紐倫堡腸、墨西哥辣腸、蘋果雞肉腸等等。Order時先選香腸款式，然後選醬汁，醬汁有兩種，特式醬汁需要加錢，例如黑松露醬和咖喱茄汁都需要加錢，而最最最重要當然是加熱熔芝士($10)啊！
Iconic H
地址：九龍紅磡必嘉街97號（顯示地圖）
營業時間：星期一至日 11am – 10pm
4.抵食粵式燒烤店 燒特大雞翼大扇貝！
這家剛開一星期的粵式燒烤店，掌握了４個燒物重點：新鮮、原味、大件、抵食！食材由店主一家每天自行到街市採購，保證新鮮。故此可力追原味，主打特大雞翼，每隻都超過120克，才$13一隻！可謂學校飲堂級平價錢！海鮮如燒扇貝、金菇肥牛卷同樣抵食！值得一提店家力推預先order，客人到達時便可在店前的吧台立即享用，唔洗等，正！
千味燒
地址：紅磡寶其利街12號地下（顯示地圖）
營業時間：6pm – 3am(星期一至日)
5. 40年經驗！超鬆軟肉鬆班戟！
紅磡無人不識的小店「紅磡雞蛋仔」，吳師傅賣雞蛋仔四十多年，由木頭車做到入鋪，靠的就是對雞蛋仔、格仔餅的專業級手藝，不過自從入鋪之後，更多人來吃的，更是他自創的肉鬆班戟和芒果班戟，新鮮即製的班戟，煎製時間剛剛好，香口鬆軟，加加大大粒芒果或惹味肉鬆，好好味呀！
紅磡雞蛋仔
地址：紅磡大沽街寶利閣 2 號舖（顯示地圖）
營業時間：12nn-8:30pm
6.唔好食勁辣！小小辣彈牙魚蛋！
同樣幾十年老字號，陳記魚蛋，魚蛋細細粒超彈牙，超濃郁的咖哩汁有小小辣、小辣、中辣和大辣，個人認為小小辣至小辣，甜中帶點辣，吊吊味就足夠了！
陳記魚蛋
地址：紅磡黃埔新邨德民街（顯示地圖）
7. 超抵！四國直送 肥美鱚魚乾
賣相似直銷場，隔離賣緊100蚊4件衫，賣的卻是真真正正，由日本四國直送的魚乾！其中推介的鱚魚乾$40有100g，鹹香肥美！仲有沙丁魚乾、巨峰提子乾等，全部都係$40/100g，買完可以叫去日本旅行的朋友仔，唔洗買魚乾做手信！
