聖誕老人號啟航！金鐘太古廣場變身精靈小鎮 度度都有打卡位！
今年聖誕節好特別，因為大家都飛唔到，無得去旅行。有見及此，聖誕老人就帶埋佢嘅小精靈由北極嚟到香港，成隻聖誕老人號停泊咗喺金鐘嘅太古廣場，仲有成個精靈小鎮，度度都係打卡位，真係超有聖誕氣氛！
超巨型「聖誕老人號」 同精靈瘋狂打卡＋AR體驗
呢隻破冰船「聖誕老人號」望上去好宏偉，上面仲有好多聖誕裝飾、水手造型小精靈同極地動物，真係點影都咁靚。
夢幻精靈小鎮 馴鹿車站坐雪橇
踏入夢幻嘅精靈小鎮，有好可愛嘅小精靈樂隊夾道歡迎，點可以唔打卡！
喺Reindeer Express馴鹿車站，仲可以跳上雪橇，同難得一見嘅聖誕馴鹿合照；商場仲非常有心思，佈置咗一塊黑板寫滿馴鹿派送禮物嘅名單，快啲去睇下禮物名單上有冇你個名啦！
精靈冬日嘉年華 去精靈帽子店AR試帽影相
精靈小鎮處處都充滿與別不同嘅佳節樂趣，即刻就去精靈帽子店，企喺魔法鏡子前面，運用AR技術就可以睇到自己試戴精靈尖帽子嘅得意造型，仲自動會幫你影相，只要用電話掃描返個QR Code，就可以下載返張相㗎啦！
講到嘉年華，當然會有遊戲玩。去挑戰5 Golden Rings 擲環攤位遊戲，贏走咁精美嘅紀念品𠻹！記得唔好錯過精靈小鎮燈塔，搶眼紅色燈塔真係超IG-able！
想滿載而歸，由12月1至27號，喺太古廣場消費滿HK$2,500或以上，就有機會獲取豐富購物禮遇同其他優惠！
網址：https://bit.ly/2KJYCmh
（Presented by Swire）
