童星點心麵絕對係童年回憶零食系列!咦~個包裝同吉祥物好似唔同咗樣喎~第3代吉祥物星太郎,首次衝出日本!佢會由即日起至2022年1月2日期間,喺屯門時代廣場同大家見面!除咗可以打卡影相,仲可以即時製作點心麵!即刻睇睇現場情況先~
撰文:Heidi.M | 圖片來源:新假期編輯部
「童星點心麵樂園」登陸屯門時代廣場
將日本樂園4大打卡位神還原
疫情無得飛去日本睇,呢個展覽可以幫大家止止渴先(圖片來源:新假期編輯部)
1. 童星Baby Star製麵工廠
透過遊戲了解並體驗童星點心麵製作過程,完成後得到自家製小食帶走。
又有得玩又有得食,期待製成品~(圖片來源:新假期編輯部)
完成啦!(圖片來源:新假期編輯部)
手上包麵係日本空運到港㗎!(圖片來源:新假期編輯部)
之後梗係唔少得夾埋由日本直送嘅「童星點心麵杯」!
係個爪呀!機會只得一次,祝你好運!(圖片來源:新假期編輯部)
嘩!一次就得,真係嚇親!(圖片來源:新假期編輯部)
就連呢個杯都係日本空運,仲要係活動別注版。(圖片來源:新假期編輯部)
2.近3米高「三代目」吉祥物星太郎
與吉祥物合照,係日本童星點心樂園其中一個最受歡迎嘅場景!香港站又點可以無?
唔知大家又記唔記得,頭幾代嘅星太郎係點呢?(圖片來源:新假期編輯部)
3. 童星百變時間廊
回顧童星點心麵逾60年嘅演變展出7款經典點心麵,只限日本發售嘅豬仔湯麵首度曝光!
邊食邊睇,無得輸(圖片來源:新假期編輯部)
#暴露年齡系列 你由邊年開始食呢?(圖片來源:新假期編輯部)
4. 童星點心麵DIY照相館
聖誕版童星點心麵,擺好post,再掃QR code,張相直接存入電話紀念。
一場嚟到除咗自己打卡,又點可以唔嚟埋部DIY照相館?(圖片來源:新假期編輯部)
掃QR Coda save 返張相先(圖片來源:新假期編輯部)
得咗!(圖片來源:新假期編輯部)
童星點心麵聖誕玩味樂園OYATSU LAND香港駅
日期: 2021年11月13日至2022年1月2日
時間:上午10時至晚上10時
地點:屯門時代廣場南翼L1大堂
常見問題:
問:活動在哪兒舉行?
答:屯門時代廣場南翼L1大堂
問:活動舉行日期?
答:2021年11月13日至2022年1月2日
活動舉行日期?
2021年11月13日至2022年1月2日