深水埗好去處｜$100玩盡深水埗區！食買玩全攻略 巨型花膠車仔麵＋粉系公園打卡＋嘉頓山睇黃昏夜景｜窮遊假期
撰文：GW ｜來源：新假期編輯部、IG
1.《YES! 30週年限定店》尋找童年回憶
第一站由深水埗最近新開的《YES! 30週年限定店》開始，適逢《YES！》雜誌三十週年，特別聯乘深水埗小店 「Storerooms」舉辦《YES! 30週年限定店》。現場有10部Yes卡機，更展出昔日《YES！》雜誌的各種珍藏，好有童年回憶呀！扭張卡仔都係$2張，抵玩！
消費額：$2
延伸閱讀：深水埗《YES! 30週年限定店》10部YES卡機列陣 懷舊卡式帶＋限定T-Shirt
- 《 YES! 30週年限定店》
- 地址：深水埗大南街172-174地下（顯示地圖）
- 日期：即日起
- 開放時間：星期一至日 2-8pm
2.《食花生世代》作品展 欣賞本地藝術家另類二創
然後第二站去埋隔離街的《食花生世代》作品展，由本地藝術家John Wu另類二創，致敬《花生漫畫》。適逢今年是美國經典《花生漫畫》（Peanuts） 70周年，當中多個角色都令人印象深刻，如Charlie Brown、Linus、Lucy等，今次就大玩文本互涉 （Intertextuality），將不同角色Crossover！展覽只開到8月8日，要去就要快啦！
消費額：$0
延伸閱讀：深水埗《食花生世代》作品展 本地藝術家另類二創 致敬《花生漫畫》
- 《食花生世代》John Wu作品展
- 地點︰深水埗基隆街132B閣樓（顯示地圖）
- 日期：即日起至8月8日
- 開放時間︰1:00pm-7:30pm （逢星期一休息）
3.任你點車仔麵 必試巨型花膠！
這家車仔麵店主打心機車仔餸料，當中最重本最出名的就非這塊厚肉花膠莫屬，每日至少賣30斤！花膠尺寸同手掌一樣大，仔細一看原來是用細細塊的花膠疊起來曬乾而成，用薑水紹酒浸過夜辟腥，啤水後再用雞殼、雞腳、豬骨湯燜煮，再以蠔油鮑汁浸至入味。麵底$10、每款餸由$9-14不等，最低消費是1麵3餸或淨餸4款，即最平$36($9*4)、$37($10+$9*3)一碗，非常抵食，而花膠是$14餸，埋單最平$42！
墨魚餅炸得香口，咬落彈牙，食到小量墨魚粒。（圖片來源：新假期編輯部）
消費額：$37
延伸閱讀：深水埗$12巨型花膠車仔麵！自家心機餸 手撻墨魚餅＋日式叉燒
4.囍源古早蛋糕過100款口味任揀
「囍源古早味蛋糕」以正宗台灣的古旱蛋糕手法加以改良，以低糖少油手法製成，夾上一層層的餡料，最高可達4層，而口味方面更是達到了超過100款，更提供客製，每層都有得自己揀！這家蛋糕店每日賣至少300件，足足每日要焗上25盤，每次出爐都很快被買清光。最低消費$70，不過份量超大，買一舊有排食！
斑蘭味也十分受歡迎，雖然沒有餡料，但整個蛋糕都是勁濃斑蘭味！（圖片來源：新假期編輯部）
芋泥滑溜，比坊間較少甜。（圖片來源：新假期編輯部）
只看外表已經覺得勁邪惡，這款相比起較為甜。（圖片來源：新假期編輯部）
雷沙湯圓就食得多，雷沙芝麻古早蛋糕味道相當不錯！（圖片來源：新假期編輯部）
蛋糕除了可單款口味，更可混合不同口味，咸蛋芝士的鹹味配搭，與蛋糕的甜作中和。（圖片來源：新假期編輯部）
消費額：$70
延伸閱讀：深水埗過100款口味「囍源古早蛋糕」 最高4層餡料巨無霸：三層火鍋配料蛋糕＋斑蘭味＋榴槤味
5.石硤尾公園夢幻粉色打卡牆
食飽之後就係時候去打卡，想遠離人群的話，由深水埗出發，步行到附近的石峽尾公園，公園內的設施大部分都以粉色設計，只要有心思的話，很容易拍到日系少女風的照片，可以慢慢影個夠本！
消費額：$0
6.上嘉頓山睇黃昏夜景
說到石硤尾，當然不得不提在嘉頓中心背後的「嘉頓山」，以為行山會好攰？少年你太年輕了，好近㗎咋！只要從美荷樓沿晨運徑行樓梯直上，大概10-20分鐘便可以到達，夠晒方便快捷！上到山可以俯瞰石硤尾及深水埗一帶的城市景色，黃昏及夜景更加無得輸！BTW上咗山之後就無廁所，記得去完廁所先上去，同埋入黑後無路燈㗎，小心啲行！
消費額：$0
- 嘉頓山
- 地址：石硤尾巴域街（顯示地圖）
- 開放時間：24小時
