海港城化身成日式手造藝術紙花遊藝園展示50多款品牌香水

Apr 23 2019

尖沙咀海港城將會喺4月26日至5月26日舉行「Beauty Bloom」活動！今次請咗嚟自日本沖繩嘅手造紙花藝術家國吉満先生，以大海嘅珊瑚作靈感設計出打卡熱點「花香遊藝園」。到時大家除咗可以盡情影相，仲可以任試超過50款香水，試完仲可以免費換禮品㖭～

撰文：PC | 圖片來源：海港城

海港城化身成日式「Beauty Bloom花香遊藝園」

來自日本沖繩踠紙花藝術家國吉満先生，擅於運用插畫及剪紙技巧設計出精巧細緻的紙花。今次展覽佢仲親手製作咗過百支唔同顏色、風格獨特嘅紙花。大家可以喺唔同高低大小嘅「花海」中影相打卡！

而同場更會展示出近50將款嘅品牌香水，等大家可以一次過盡情任試。同時於社交媒體分享你的「Blooming Moments」更可免費換領精美禮品！而喺活動期間，只要喺海港城買任何玻璃瓶身香水，就可以享有一次免費香水刻名服務一次！

海港城更喺活動期間嘅每個周末開設「Beauty Bloom Salon」，屆時將會邀請唔同品牌舉辦(包括Guerlain、Fresh、diptyque、ACCA KAPPA、Givenchy) ，以花同香水為主題嘅工作坊，大家想參加嘅話可以去網上預約～

而為咗慶祝母親節，大家可以於5月11及12日下3時至8時，喺海港城港威商場大堂即場以現金捐款港幣$100予「香港血癌基金」，就可以換領母親節限定「藝術紙花及香水禮盒」！禮盒包括有由日本藝術家國吉満製作嘅人造紙花同自選Miniature香水，為媽媽送上別具心思嘅禮品！

活動日期：4月26日至5月26日
地點：海港城

關鍵詞