水務署首辦「知慳識水」嘉年華＋3米高巨型水滴晶球、滴惜仔之家、AR故事、DIY工作坊齊齊慳水

今次嘉年華嘅主角就係水務署嘅吉祥物滴惜仔，佢會化身成為慳水親善大使，帶領大家探索慳水嘅樂趣。現場設有3米高嘅巨型水滴晶球同埋滴惜仔之家，等大家可以影靚相之餘，仲可以透過AR技術學習家居慳水小貼士。

嘉年華入面3個主題打卡裝置：

1. 簽署滴惜仔惜水約章：喺入口處，大家可以同滴惜仔「不缺水的未來由你開始」惜水約章前同
滴惜仔一齊簽署惜水約章，承諾為香港嘅水資源可持續使用出一分力。

2. 3米高巨型水滴晶球：呢個巨型水滴晶球絕對係全場焦點！大家可以走入晶球入面，感覺置身其中彷如沉浸於水中世界。

3. 滴惜仔之家：首次開放俾公眾參觀嘅滴惜仔之家，你哋只要用智能手機掃瞄場內家品二維碼，即可欣賞8個AR動畫小故事，由滴惜仔親自示範慳水嘅方法，等大家可以輕鬆學習，成功收集所有慳水好習慣更可獲贈主題禮品！

除咗打卡影相，嘉年華仲準備咗7個互動遊戲，考驗大家嘅體能同慳水知識。例如「惜水大搜查」要你喺限時內分辨正確嘅用水行為，「小小水管工」就要你幫手修理漏水嘅水管。完成指定任務仲有機會獲得滴惜仔主題禮品添！

1. 「惜水大搜查」：考驗你對正確用水習慣嘅認知。
2. 「小小水管工」：模擬維修漏水水管，學習即時處理漏水問題嘅重要性。
3. 「水型人測試」：分析你嘅用水習慣，睇下你係咩水型人。
4. 「惜水之達人」：配合音樂節奏，挑戰太鼓遊戲。
5. 「用水習慣對對碰」：喺波波池入面尋找慳水錦囊，配對正確嘅用水習慣。

6. 「慳水保衛戰」：考驗手眼協調，護送小球遠離沙漠。
7. 「減少浪費你要識」：透過身體擺動，接住代表節水習慣嘅水滴圖案。

想動手DIY嘅朋友仔就唔好錯過3個節水工作坊啦，參加者將置身於健康舒適的海繽活動空間，享受親自然戶外愜意時光，同時可以發揮無窮創意自製美觀與學習意義兼備嘅節水飾物、濾水器、水滴風鈴，甚至係滴惜仔鎖匙扣。每場工作坊均由專業導師深入淺出地介紹製作方法、節水知識及相關科學原理，呢啲小手作唔單止實用，仲可以時刻提醒自己同身邊嘅人要節約用水。

1. 濾水器製作：學習食水潔淨原理，提高對水資源保育嘅關注。
2. 水滴風鈴DIY：製作獨特嘅水滴風鈴，掛喺屋企提醒大家慳水。
3. 滴惜仔鎖匙扣DIY：為可愛嘅滴惜仔上色，製作專屬嘅鎖匙扣。

工作坊詳情及報名：https://wsd-water-save-carnival.glide.page/

最後，想見滴惜仔嘅朋友要留意期間快閃巡遊嘉年華，佢會與眾同樂之餘更將舉辦粉絲見面會，活動網頁公布嘅見面會時間，到時可以同滴惜仔影相、攞簽名，仲有機會換領限量版嘅閃閃慳水貼士卡。場內仲有滴惜仔主題扭蛋機，有機會扭到滴惜仔公仔、餐具盒同積木月曆等精美禮品。另外，大家喺活動期間完成指定社交媒體挑戰及到現場出示證明，更可額外獲贈禮品，記住Mark定日子去參加啦！

「知慳識水」嘉年華活動資料：
日期：2024年12月5日至15日
時間：星期一至五：09:30 – 21:00；星期六日：10:30 – 21:00
地點：灣仔HarbourChill海濱休閒站
活動網頁：https://www.waterconservation.gov.hk/tc/carnival/index.html

（Presented by：水務署）