本地一日遊首選！玩齊西九日與夜親子打卡兼放電！

Jul 8 2021

暑假咁多日假期，一家人冇得外遊好sad？唔使驚！香港都有唔少好去處適合一日遊！就好似西九文化區藝術公園，除咗可以欣賞各式藝術展覽同演出，仲有超正嘅海濱長廊可以踩單車吹海風，沿途亦有大片草地可以帶埋狗狗去野餐。仲有多間Café同餐廳等你一邊享用美食，一邊飽覽無邊際嘅維港景致；眨下眼到黃昏時仲可以睇埋日落，用海景做背景影相打卡，真係西九嘅日與夜都俾你玩齊晒！

想知有咩玩，即刻帶大家去睇下啦！

西九海濱長廊踩單車、散步野餐兼睇靚景

西九文化區藝術公園又有海濱長廊又有大片草地，圍住公園踩單車就最啱feel！逢星期二至日都可以租用「悠遊西九」（成人及兒童）單車。家庭單車則每逢星期六、日及公眾假期可供租用。大家可以沿著海濱長廊踩單車，欣賞維港海景或漫游西九場地; 亦可以同親朋及寵物在草地野餐或前往西九比賽展亭「Growing Up」，無論一家大細定三五知己都可以hea足全日，大力推介要睇埋個日落至好走呀！

海邊有不同種類嘅餐廳同輕食店，多款風味小食，醫肚超方便！消費滿指定金額仲可享免費泊車優惠添！

海旁餐廳及輕食店一覽

打卡唔少得兩大必去景點

景點1：想打卡selfie呃like，就一定要去自由空間戶外壁畫同埋「Growing Up」展亭啦！今次藝術家及平面設計師Calvin Ho @AtomicAttack 嚟到自由空間外嘅外牆，人手繪畫一幅名為《Ensemble II》嘅壁畫。Calvin亦以壁畫上鬼馬生動嘅角色設計出Instagram同Facebook 嘅filter，仲有sticker pack添，，打卡一流！ — 景點1：想打卡selfie呃like，就一定要去自由空間戶外壁畫同埋「Growing Up」展亭啦！今次藝術家及平面設計師Calvin Ho @AtomicAttack 嚟到自由空間外嘅外牆，人手繪畫一幅名為《Ensemble II》嘅壁畫。Calvin亦以壁畫上鬼馬生動嘅角色設計出Instagram同Facebook 嘅filter，仲有sticker pack添，打卡一流！

《Ensemble II》濾鏡及sticker pack

景點2：沿海邊步行或者踩單車嚟到西九海濱長廊靠盡頭處，你就會見到名為「Growing Up」嘅木製展亭，佢係首屆「香港新晉建築及設計師比賽」嘅獲選設計，除咗打下卡仲可以喺到hea下，欣賞迷人嘅維港景色同埋日落添~

多個藝術文化活動吸睛又好玩！

講到暑假焦點，多個藝術文化活動一定走唔甩！藝術公園內仲會不定期舉辦音樂活動，個個都好玩又好睇，帶小朋友去或者同志同道合嘅朋友一齊參與就最啱！一於嚟個藝術活動大晒冷！

暑假聚：港產世界冠軍

做第一唔係咁易！仲要係一個咁細嘅香港入面嘅港產世界第一，就仲難！今次機會嚟啦！今個盛夏周末我地有幸可以見到一眾土生土長嘅香港之光駕臨自由空間及藝術公園，以劍球、花式跳繩等世界冠軍獻技，展示佢地艱苦訓練嘅血與汗！

日期：2021年7月10至11日（星期六至日）

地點：西九文化區藝術公園自由空間

收費：免費入場

了解更多

勞力士呈獻：威廉・科西《無處又遍處（二）》（亞洲首展）

呢個名為《無處又遍處（二）》藝術裝置展覽係亞洲首展，藝術裝置會同觀眾有所互動，令你成為參與者之一，入到展區會見到數百個懸浮擺動嘅鉛錘，擺動幅度、節奏時快時慢，你可以隨意穿梭喺呢個鉛錘迷宮，避開擺動嘅鉛錘嘅同時，身體隨節奏不自覺舞動，就好似同擺動嘅鉛錘一齊起舞，小朋友同大人都玩得好開心架~而家買家庭飛仲有半價添！

日期：2021年7月4至19日（星期日至一）

時間：下午1時至2時30分、下午3時至4時30分、下午5時至晚上6時30分、晚上7時至8時30分、晚上9時至10時30分（只限星期四至六）

*每節參觀時間為1小時30分鐘，持票觀眾可在該時段內隨意進出大盒及盒仔

部分為私人場次，門票不公開發售。詳情以「門票」一欄為準。

地點：西九文化區藝術公園自由空間大盒及盒仔

門票：$150

八折家庭套票： $180（一張正價門票+一張小童門票）、 $240（一張正價門票+兩張小童門票）、$300（兩張正價門票+一張小童門票）
＊小童門票只適用於6至12歲小童。所有持票者須同時入場。

了解詳情或立即購票