搶先直擊！東華嘉年華2015機動＋攤位遊戲！家庭免費玩攻略！
打算去東華慈善嘉年華的朋友要留意了！1月份推出全新優惠，只要買1張入場門票，即可免費帶多一位朋友同無限個12歲以下小朋友入場，仲送爆谷兼購物禮券，但免費入場人士需充值入場門票才可玩機動遊戲或攤位遊戲。不過優惠只適用於1月份的星期一至星期五，並只限持有香港身份證或香港出生證明書人士，大家仲要share東華慈善嘉年華個facebook page指定post才可享有此優惠。
另外，所有機動遊戲已全部開放！今個星期六（9/1）、日（10/1），入場人士將可以瘋狂任玩一項機動遊戲！星期六（9/1）可任玩狂野時速；而星期日（10/1）暫未公佈可任玩哪一款機動遊戲。
東華慈善嘉年華2015今日終於開幕喇！不過可能主辦單位搞show就搞得多，嘉年華就比較新手，今日記者現場所見不論機動遊戲、攤位同食物方面都未準備好，場面較凋零，不過大家最期待嘅機動遊戲「陀飛輪」就經已啟動，另外觸目嘅「超級搖滾」、「超級跳樓機」同「終極紐約滑梯」都準備好喇！我哋嘅記者仲率先試玩咗「陀飛輪」！去片！
陀飛輪
2015年瑞士創新製造的機動遊戲，首度於東華慈善嘉年華面世。「 陀飛輪」由3個四方大型框架組成，24個玩家一字排開，3個框架會同時向不同方向「迴環立體式」旋轉對抗地心引力，挑戰玩家瘋狂極限。
超級搖滾
24名乘客擺動至30米高空，而座椅圍繞垂直軸360度轉動。乘客時向內時向外的被不斷旋轉，媽！我暈喇！
親子家庭篇
值得一提的是今年兩個嘉年華都頗重視家庭類的小型機動遊戲，與多年針對成人為主的機動遊戲相比更受家長歡迎。
雖然好多攤位遊戲都未set up，不過我哋都影咗一系列嘅遊戲獎品，俾大家有個心理準備玩唔玩好，其中最令記者心心眼當然係Inside Out嘅主角公仔啦！
東華慈善嘉年華2015
地址:前啟德機場跑道（顯示地圖）
日期: 23/12/2015 – 28/3/2016
門票: $180 (包機動遊戲面值 $120 及 攤位遊戲面值$40 )
開放時間:
23/12/2015 – 3/1/2016: 11am – 11pm ; 4/1/2016開始: 3pm – 11pm(星期一至四)、11am – 11pm (星期五六日及公眾假期)
家庭免費玩攻略！
主辦單位由今日開始 – 27/12，特別推出咗家庭慈善體驗日，只要$20入場費就可以憑門票係首5天全日免費玩指定嘅家庭式機動遊戲一次（共四項），包括「超級紐約滑梯」、「繽紛可可杯」、「迷你小鞦韆」、及「極速滑梯」，爸爸媽媽們今個聖誕又可以慳番小小！
開心家庭慈善門票
日期：23/12 – 27/12
費用：$20(每天免費試玩指定一項機動遊戲一次)
免費玩設施：「超級紐約滑梯」、「繽紛可可杯」、「迷你小鞦韆」、及「極速滑梯」
網上購票：www.ticketflap.com
備註: 3歲以下兒童及65歲或以上本港居民及持有「殘疾人士登記證」免費入場
延伸閱讀：
有片！東華嘉年華2015！6大機動遊戲未玩先暈
2015 AIA歐陸嘉年華試玩報告！10大必玩機動遊戲全攻略！【中環好去處】
AIA嘉年華前奏！英國紫色牛牛襲港！3大場景逐個睇！【中環好去處】
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
