新式採耳按摩店！實試5種清潔服務清理深層耳垢！專業靚女採耳師同你隻耳仔做SPA大掃除！

Jul 15 2021

身邊好多人都有聽過採耳，但卻可能未有真正體驗過。原來而家採耳已經唔需要去按摩店，而係有專門只提供採耳服務嘅採耳工作室，不但環境舒適，更加多咗一份私隱，令你可以放心享受採耳服務。今次記者就去咗實試採耳過程，一於睇吓係咪真係咁爽先！

撰文：Sumi｜圖片來源：新假期資料室、IG、FB

觀塘抒心採耳工作室環境舒適悉心服務！

今年3月份新開業嘅抒心採耳工作室，位於觀塘萬年工業大廈，鄰近觀塘港鐵站A2出口，步行約3分鐘即可到達。小店內部環境設計主調為自然木色系，走日系和式風格局，設有2張梳化及2張單人床，氣氛放鬆舒服。採耳服務開始前，客人可先自選茶飲用，分別有玄米茶、烏龍茶、綠茶及紅茶，讓客人先放鬆心情，非常細心。

店主亦有向記者講解採耳的背景，店主認為專業採耳分古法採耳及可視採耳。而古法採耳有分為日、川、台式採耳，不過源頭都來自四川，其實基本功一樣。而可視採耳，客人可同採耳師傅邊睇邊採，使用到醫療器材，可視鏡。而今次記者試的就是可視採耳。

走日系和式風格局（圖片來源：新假期資料室） — 室內是日系和式風格局，感覺休閒。（圖片來源：新假期資料室）

採耳過程安全專業同萬年耳垢講拜拜！

休息過後，就開始採耳啦～每位採耳師都受過專業訓練，可以放心交隻耳仔畀佢地！店主表示，佢哋會用豆腐、雞蛋、腐皮、蒜頭做訓練工具，每個步驟都要非常精準，先唔會整爛工具㗎！記者瞓落床已經好緊張啦～採耳服務包括，耳部放鬆、耳道清潔、耳浴、耳廓按摩、採耳。最搞笑係有部機可以畀你睇住耳仔入面情況！記者愈做愈舒服，後來仲爭啲瞓著覺～

人氣採耳按摩推薦！清理深層耳垢＋耳道ASMR＋顱內高潮按摩專業靚女採耳師同你隻耳仔做SPA大掃除！｜香港好去處 — 首先技師會幫耳部放鬆，令耳垢之後更容易脫落，痕痕地咁好爽～（圖片來源：新假期資料室）

注意 ⚠️：以下會有耳道圖片，唔想睇記得快速碌過佢啦！

耳道清潔，採耳師用預熱咗嘅生理鹽水清洗耳道，防止客人感到不適。（圖片來源：新假期資料室）

多位KOL到訪採耳連強尼Shirley都話正！

原來好多KOL同明星都有嚟採耳，仲個個都讚手勢好，好舒服！ViuTV 藝人，強尼同Shirley都有嚟採耳，仲話舒服到瞓著～

店望最愛幫客人「轉毛毛」大陸隔離受訓最辛苦！

店主表示採耳行業只要師傅認可技術，就可以開店。店主就有製定一個目標，練習夠100位客人，就開一間工作室！返大陸隔離受訓過程最為難受，第一次獨自住酒店，冇親人朋友係身邊。雖然屋企人好擔心店主安全，但亦表達支持態度，令店主可放心受訓！店主分享佢最鍾意幫客人「轉毛毛」（耳浴），因為可以望住客人好享受既樣。仲有遇到耳垢問題較為嚴重情況，幫到客人解決問題後，非常有成功感。