愛麗斯童話實體化! DIY夢幻立體相簿 |柴灣好去處|

Apr 2 2016

一到生日或紀念日，除了煩惱諗食咩之外，諗送咩禮物都好令人頭痛。今次記者Katie和Mandy就見到有本以愛麗斯童話故事做主題的立體相簿，實行將童話故事實體化，由封面到相簿內的四個場景，都可以自己揀紙張素材，如此custom made的一本相簿，收到的人一定會好開心！

立體相簿點整都靚！極具心思之作！

製作這本立體相簿都花時間，兩位記者分了兩日，總共12小時來製作相簿！雖然花時間，只要你揀紙揀得快，其實可以令你製作時間縮短。不過，拼拼貼貼期間其實都幾大樂趣，因為可以選擇好多好靚的貼紙和紙張，來粉飾愛麗斯場景，花多點時間去設計都值得吧！

所有設計由我話事！

困難的朋友們，比定心理準備你，揀紙揀貼紙都有排你揀。事關老師會提供所有顏色紙給學生選擇，由屋頂，到地板，所有紙張設計、室內配置由我話事。當然，配合愛麗斯主題，老師會提供返愛麗斯和故事中的角色，讓大家放在相簿中，而貼紙的選擇都有好多，有得意動物、有復古字句，樣樣都自家設計，如此有心思，收到的朋友一定好開心！

貼心材料包！愛麗斯啤牌用來貼相最靚！

老師預先準備好材料包，仲貼埋名牌，好貼心喔！材料包內會有愛麗斯故事主角和其他童話角色，至於場景紙張可以再自行選擇。

尺寸量度最麻煩！

製作立體相簿最麻煩是紙張尺寸量度，老師已經預先為學生準備好各相簿素材的尺寸，我們只需要跟住做就一定整得靚！

場地拼貼由我話事！

有四個場景，客廳、睡房、廚房和森林，所有設計都可以自己選擇，可以自己加隻恐龍係大廳又得，加太空人係森林又得，盡情發揮天馬行空的想法。

小貼士1：於褶位貼上膠紙，避免破損

相簿如果經常褶來褶去會好易爛，貼上膠紙就唔怕爛了。

小貼士2：封面底油塗太多會無晒底紙圖案

唔想封面太花，老師會建議薄薄地塗一層底油。而底油不是白膠漿，塗後顏色不會變淡，所以不要塗太多，令原本的pattern消失喔！

小貼士3：場景接位時，膠水不要塗滿全張紙

由於我們將相簿關起來時，場景間的厚度需要位置，所以塗膠水時應該塗在三分二位置，之後關相簿時就不會關不起來了。

小貼士4：相片類型多元化，最好有埋全身相

由於Alice其中一個場景是樹林，最好用全身相，放在樹蔭下會好睇啲！

開心拎走戰利品！靚到唔捨得送出去！

這本相簿的成本雖然不高，不過勝在用好多心思才將其製作完成！心意呢啲嘢是無價的，當有人肯花12小時，DIY一份禮物後，仍然願意將禮物送給你，真的要好好珍惜！

愛麗斯立體相簿製作班詳情：
收費：$750（包所有材料，共8小時，可分兩日完成，如過了8小時，期後收費為$150/4小時）
訂造價：$1000
相簿尺寸：12寸 x12寸 x12寸
內頁：4個場景
相片：自備15張3R/4R相片，如想現場印，$3/張
備註：1人報名也成班，時間可與負責人聯絡

Bravo Kids Gallery
地址：柴灣祥利街18號祥達中心18樓04室（顯示地圖）
電話：2782 4576 /52386903 (whatsapp)
Facebook：BravoKidsGallery