情人節花束2022｜情侶送花懶人包 5大人氣花店推介＋不同枝數意思一文睇哂
情人節花束2022｜情侶送花懶人包
愛呢樣野好難被量化，同時要表達愛意其實一年365日都絕對可以，只不過情人節點都要有啲表示嘅，畀另一半知道你喺佢心中嘅地位係幾咁重要！每年情人節花店都非常旺場，時至今日最多人送嘅都依然係玫瑰花！
相信大家都聽過送99枝玫瑰係長長久久，不過99枝玫瑰喺金錢方面有真係好大負擔嘅，所以送花者不妨考慮以下數量：
1 朵：你是我的唯一
2朵：心心相印
3朵：我愛你
4朵：山盟海誓
5朵：無怨無悔地愛
6朵：平安順利
7朵：無盡祝福
8朵：吉祥如意
9朵：愛得堅定
10朵：十全十美
12朵：心心相印
24朵：24小時都掛住你
29朵：愛到永久
36朵：我心只屬於你
44朵：愛你愛到至死不渝
77朵：向你求婚求你應承
99朵：天長地久
100朵：百年好合
5大人氣花店推介
1.Wonderlous Botanical
花店認為送花絕對係一門學問，而每一個收花嘅人都應該有一束屬於自己嘅花，坦白講同人撞衫自己都未必鍾意，何況特別日子同人撞花呢？正因為咁，花藝師會為每個訂花嘅人配合客人要求同性格砌岀一束獨一無二嘅花！
聯絡方法：[email protected]
2. deedeedidi.store
有人怕買鮮花好難打理，所以有人會選擇買乾花或者永生花，而呢間IG店就賣日本製嘅Soap Flower！夠哂特別，玫瑰花由一種肥皂材料製成並帶有香味。每片花瓣都是用肥皂製成，而花嘅大小與鮮花一樣大。可以長時間享受珍貴嘅回憶，同時保持佢哋嘅美麗，逼真細膩嘅細節，仲唔係真亦假時假亦真！
聯絡方法:[email protected]
3. Bad Ltd.
想買特別啲嘅花禮盒，當然唔少得Bad Ltd.嘅禮物set ，鬼主意多多嘅佢哋一共推岀兩款禮盒。第一款，「給…讓我想花心思的你」，呢款啱哂情侶浪漫之夜專用，主題為玫瑰花。
第2款，「給…一束鮮花襯不起的你」，呢個禮盒與本地花藝工作室合作，盒上印上法國大文豪雨果嘅愛情哲學：「人生如花,而愛情就是花蜜。」──雨果
聯絡方法：IG@badltd_official
4. LE SEAN
講到買花又點可以唔提保鮮花界嘅代表LE SEAN！一朵花至少可以保存2-3年，今年更推出心型系列嘅花，而經典系列嘅枝裝玫瑰依舊有售！店舖更提供免費專門嘅送貨服務確保喺指定日子送到收花人嘅地方，更可填上心意卡足不出戶都收到情人節驚喜呀！
聯絡方法：LE SEAN
5.花藝研究所
如果對方嫌送花冇新意，呢間舖頭幫到你！本地乾燥花品牌。店主曾跟隨台灣著名乾燥花職人，及歐式花藝大師學藝，擅於揉合乾燥花、不凋花及鮮花嘅技巧，創造出獨有風格和氣質。今年嘅原創貨品，係將日本嘅「櫻花樹」打包送到你手上，一共兩種顏色。喺屋企都睇到「櫻花樹」，連日本都唔使去啦！
聯絡方法：花藝研究所 Garden Labo
常見問題
問：有無情人節禮物推介？
答：不如睇下以下11款編輯推介的情人節禮物吧：11大女友必愛禮物推介
問：有適合單身人士的好去處嗎？
答：可以於市區或郊外賞花，即看：香港5大賞櫻秘景。
有無情人節禮物推介？
不如睇下以下11款編輯推介的情人節禮物吧：11大女友必愛禮物推介
有適合單身人士的好去處嗎？
可以於市區或郊外賞花，即看：香港5大賞櫻秘景。
