【#圍方打卡】2024新年/情人節打卡必到！過萬花束新春「福地」LED屏幕 +巨型桃花樹 + 風車轉運

今個農曆新年，圍方邀請本地花藝師一同打造「繁花綻放新春庭園」，以喜慶嘅紅色同甜蜜嘅粉紅色形成花海！一走入庭園，最令人注目嘅係高空懸掛住一個巨型心心，由牡丹及玫瑰結合而成，寓意富貴吉祥，超華麗呀！

LED全方位新春「福地」

望完高空，低頭同旁邊都可以見到地面有個超大嘅LED屏幕及LED燈柱，同花海相互輝映！大人細路都可以感受吓呢片全方位新春「福地」！

年花打造新春裝置

另一個重點就係由年花打造嘅新春裝置，由風車花牆包圍住一棵巨型桃花樹，打卡滿分！
向桃花樹許個願再轉吓風車，龍年桃花好運自然來～小貼士！轉風車記得要順時針轉先會帶嚟好運！

浪漫滿分 亮燈打卡位

轉完風車可以去埋旁邊嘅花藝打卡位，影返張相留下「到此一遊」嘅證明啦！偷偷話畀大家知，L2戶外園藝花園仲有個隱藏打卡位，每晚5點半至10點仲會亮起心心燈，浪漫滿分無得輸！

情人節情歌站+示愛LED屏幕

今年情人節撞正年初五，所以圍方都準備咗一系列精彩嘅情人節活動畀大家！
「暖.LOVE.LOVE」情歌站
1月29日至2月2日，於圍方Instagram投選情歌，情人節當日將會有神秘嘉賓為大家獻唱！

「The Wai We Love」空中示愛LED屏幕
1月29日至2月6日，透過圍方指定食肆及官方Instagram取得活動連結並登記，即有機會於中庭空中示愛LED屏幕展示你嘅浪漫訊息！

咁多精彩活動，今年新年/情人節就嚟圍方渡過一個愉快嘅節日啦！
更多詳情，請密切留意圍方官方Instagram： 圍方