復活節Let it go！陪女女入迪士尼做魔雪公主！４大注目公主位！
廣告
今個復活節連放５日假，父母們又要諗節目同仔女一齊家庭樂一下！迪士尼樂園就推出咗《魔雪奇緣》小公主春日活動，同女女做一日小公主，又可以著公主衫，食公主宴，買公主物，保證佢開心死！
1.做個小公主與Elsa出巡
小朋友只要以一身公主裝或王子服進入迪士尼玩，只需在指定地點向演藝人員索取活動邀請，就有機會免費同Elsa同Anna一齊行紅地毯，在城堡前參與春日出巡盛會，公主/王子仔肯定非常興奮啦！
2.小公主化妝午宴
身為一個公主，當然要出席下宴會先係上等人啦！呢個小公主化妝午宴，有專人幫小公主造型、化妝同攝影，之後同屋企人一齊歎個公主午餐！
3.《魔雪奇緣》主題下午茶
想裡裡外外都成為一個公主？！咁就可以去皇室宴會廳，品嚐《魔雪奇緣》主題下午茶，最抵玩之處係呢個下午茶包埋一個小手工製作，仲可以拎走Elsa唱歌公仔或小白發聲公仔、水杯同自家製主題相架！
4.學做公主便當
做得公主就當然要裡裡外外都似啦！可以同女女學整呢個Duffy & ShellieMay便當，學完咪可以返學威下囉！參加呢個班仲送埋迪士尼小熊主題紀念品同Duffy & ShellieMay 禮品！Duffy 同 ShellieMay仲會同大家見面！
