年花2023｜香港5大花農種植場＋花店推介 附路線及前往方法

按連結跳至

• • 本地農莊
  • 本地花店

年花2023｜香港5大花農種植場 不同種類年花擺設！附路線及前往方法

年花2023｜1. 粉嶺鶴藪農耕菜 如意吉祥水仙花

水仙花係過年必買嘅年花之一，寓意吉祥。祝願親友同自己家庭幸福好運；如意吉祥，萬事稱心。喺粉嶺流水響嘅鶴藪農耕菜，種植水仙花四十幾年，所有水仙都係親自開頭、浸水、上盆，每一盆都係心血之作。農莊溫馨提示客人可以自備水仙盆嚟買企頭，呢個做法相當環保，另外如果客人屋企有好多水仙盆唔知點處理，可以帶啲水仙盆畀農莊回收。

鶴藪農耕菜

地址：大窩村楊園
前往方法：粉嶺火車站搭52B往流水響小巴，楊園舖仔落車，再致電負責人
聯絡方法：9224 8127

年花2023｜2.大埔偉財記 鴻運當頭蝴蝶蘭

講到年花又點可以唔提蝴蝶蘭呢？唔同顏色嘅蝴蝶蘭，有唔同嘅花語，眾所周知紅心蝴蝶蘭就鴻運當頭、黃色就象徵生意興隆等……另外，蝴蝶蘭嘅花形既優雅又有氣勢，花之四君子之一嘅佢，的確買盆返屋企絕不失禮。位於大埔林村新塘嘅偉財記，款式齊，數量多，佔地廣！ 總有一款啱你心意。

偉財記

地址：大埔林村新塘 (鄰近許願樹)(顯示地圖)
前往方法：由大埔墟搭九巴64K 或 小巴25K，於新塘站落車
駕車人士由大埔出發前往林村，經過均益士多前行150米，就會見到

營業時間：上午9時至下午7時
電話：6272 0002蘇生／9603 0543 蘇生

年花2023｜3.信芯園農莊 長壽花劍蘭

正所謂各花入各眼，有人買花鍾意一盆盆，亦有人鍾意買花一支支，長壽花劍蘭可以話係一枝獨秀！一枝花最勁可以開到十朵，而換水又唔洗太頻密，花嘅盛放期大概有10日左右，計啱時間買，就年初一到十都花開富貴！元朗信芯園農莊喺上年12月已經喺社交平台向大家分享會動工種植劍蘭，你睇，係劍蘭花海呀！負責人信哥更於1月發帖文劍蘭會公開岀售。

信芯園農莊

• • • 開放時間：9am-6pm
    • 地址：新田信芯園（顯示地圖）
    • 費用：入場時即場付入場費手帶$50
    • 前往方法：信芯園農莊村內完全沒有任何車位，請使用公共交通工具入場，由元朗前往：九巴76K、紅色小巴17、綠色小巴75、76；由上水前往：九巴76K、紅色小巴17，可以於石湖圍落車，步行5分鐘即可到達。
    • Whatsapp：96216012

注意事項：

1. 請聽從農夫及工作人員指示
2. 嚴禁吸煙和亂拋垃圾，違者即時會被驅逐離開
3. 如花因遊人行為被破壞，必須即時繳付以當日花價
4. 收費、開放安排以農夫及工作人員即時決定為準
5. 開放安排可能因應疫情會有所改動，請留意我們最新消息
6. 請勿擅闖農地或偷取農作物
7. 單車不可進入農場範圍，請停泊於青山公路單車停放處
8. 未經批准，農地範圍嚴禁使用三腳架及反光板，以保障其他遊人安全
9. 如欲帶狗入場必須手抱，農場一帶鄉村有兇猛惡犬，請自理狗隻安全
10.落田前請除下背囊及收起雨傘/陽傘，以防背囊或雨傘/陽傘掃爛花朵。如有損毀，農場有權要求涉事人以當日花價作出補償

11. 除婚攝及商業攝影以外不須預約

年花2023｜4. 錦上路財記花園 旺人緣姻緣桃花

呢間有30多年經驗種植本地桃花嘅花場，咁多年嚟都係客人親自搵上門，從未擺過年宵或花墟。佢哋嘅桃花得到咁多人慕名而來，全因佢哋有齊各種大小尺寸嘅桃花，品質同樣有保證。無論大屋細屋都入到屋呀！

錦上路財記花園

地址：石崗錦上路財記花園（顯示地圖）

任何查詢：93018969 郭先生

年花2023｜5. 田香花園 大吉大利·桔

除咗買年花，當然仲有年桔！而家嘅年桔唔一定再係大大盆，細細棵一樣都有。貼返張揮春上去，新年嘅感覺返晒嚟，對氣味敏感嘅朋友，嚟到一定味到一陣桔嘅清香味，精神！

田香花園

地址：元朗大樹下東路大旗嶺新路口(顯示地圖)
前往方法：首先，坐小巴73元朗朗屏開出丶的士丶自駕都係大樹下天后廟落（天后廟停車場免費）落車之後，搵（大樹下公廁）沿路行3分鐘
電話：95004530 陳生/91431875 陳太

回到目錄

年花2023｜本地花店推介
年花2023｜1.格蘭花店

格蘭花店專賣一棵棵插好晒嘅花，每棵都經過花藝師悉心配襯，襯出由唔同花而組成嘅年花，永遠都係最受歡迎！而蝴蝶蘭的花語就是象徵富貴與和諧，所以好多人逢年過節都喜歡買代表富貴吉祥嘅蝴蝶蘭！如果大家睇晒網頁上嘅款式都係唔啱心水，可以直接去到店舖同花藝師講喜愛的花款，由花藝師為你訂造設計特別款！

年花2023｜2.Flower Bouquet HK

御花店 Flower Bouquet HK的年花以台灣進口的花為主，有蘭花盤栽，更有紫、白、黃，淺粉色等，盤栽亦有大有小，適用擺放家中！