寫意大嶼山！昂坪 360 $88性價比超高小旅行攻略
路線一： 昂坪市集＋童遊時光+港人限時懷舊價HK$88來回纜車門票
辛苦咗成個星期先等到星期六日放假可以抖抖，梗係要輕輕鬆鬆嚟個小旅行出走放鬆下啦！近近地去一轉大嶼山玩番日，影吓相都係一個唔錯嘅選擇。嚟到大嶼山想舒舒服服玩周圍去玩，可以搭昂坪纜車先去昂坪市集，帶大家回到小時候「童遊時光」主題場景，喺多個巨型經典懷舊玩具裝置前影相打卡 ，重溫兒時情懷同小玩意！
為咗配合主題，昂坪360今次破天荒以開幕時的價錢推出港人優惠！由即日起至2019年11月10日，可以懷舊價$88購買成人來回纜車門票 (標準車廂)！兩小口去拍拖玩足一日都唔使$200，超抵！就算一家人帶小朋友去郊外放電，一家四口去玩亦都只係$266 (2名大人+ 2名小童)，就可以齊齊搭纜車，沿途睇到360度大自然靚景，仲可以睇埋昂坪棧道四周環境，景色一流。 詳情請瀏覽https://www.np360.com.hk/tc/events-promotions/promotions/88-offer-Hong-Kong-resident
昂坪市集重拾童真之旅
平日生活忙碌，唯有忙裡偷閒週末去郊外遊山玩水。無論你鍾意置身遠離煩囂嘅大自然，定係熱愛影相打卡一族，昂坪360都可以滿足到唔同人士嘅喜好！由即日起至 11 月 10 日期間，昂坪市集更會設置多個巨型經典打卡位，包括 3 米高巨型纜車扭蛋機、 飛行棋 、七彩扭計骰 、趣怪陀螺及「東南西北」，360旅遊資訊中心更會化身成「 玩具時光隧道」，展出多款經典五十至千禧年代嘅香港流行玩具，透過展覽認識香港新舊玩具轉變同里程 ，重拾昔日玩具嘅獨特趣味同風采！
昂坪市集邊食邊買邊玩
要重溫小時候回憶，當然唔少得歎番底懷舊雞蛋仔啦！之後再去埋市集內嘅紀念品店，購買懷舊港式手信同去埋360 VR體驗館玩餐飽。
路線二： Glamping＋大澳遊玩睇日落
兩手fing-fing去露營
如果從未試過喺郊外露營，今個weekend就建議試下兩手fing-fing快閃去露營，寧靜relax咁過一晚！今次推介地點係YHA昂坪戴維斯青年旅舍（溫馨提示：記得網上預訂入住日期），距離昂坪市集、心經簡林、天壇大佛等景點，只有5至10分鐘路程，非常方便。呢個露營預訂服務專為冇露營經驗的嘅你而設，畀大家唔使一袋二袋，毋須攜帶任何裝備，輕輕鬆鬆體驗野外露營嘅樂趣。想玩得豪華啲，可以一嘗升級版豪華露營（Glamping），專為熱愛大自然又想住得舒適的人而設。帳營備有枕頭床鋪、住客可無限次使用旅舍廚房及浴室，仲有Wi-Fi上網服務。生活起居所需用品齊全，保證可以輕鬆起行。
上山下海玩盡大澳
第二朝早起身，抖足精神直入大澳上山下海，第一站係位於大澳北面嘅虎山。搭巴士由昂坪市集去大澳，經永安街往楊侯古廟方向行，沿路小徑雖有碎石但算輕鬆易行，大概45分鐘慢慢就可以到達虎山觀景台前一段小橋。虎山橋可以睇到整個大澳水鄉同180度嘅無敵海景，同時能遠眺另一邊獅山象山景色。
玩完陸上路線，下午當然要落埋海啦！大家不妨選擇喺大澳坐小遊艇出海，從海面角度欣賞返大澳嘅獨特人文風光。
路線三：大嶼山隨心隨拍之行
熱愛攝影嘅朋友可以入黎大嶼山行返轉，大嶼山的拍攝熱點實在多不勝數，無論係壯麗嘅自然風光，樸素嘅水鄉風情，大家一定可以睇到鬧市中睇唔到嘅畫面，同埋影到最滿意嘅作品！趁住秋高氣爽天朗氣清，一於入嚟到大嶼山，齊齊探索大嶼山之美！
最美影相位
[昂坪360xSONY縮時攝影比賽] 昂坪360同SONY聯手舉辦攝影比賽得獎名單經已公佈，而當中嘅參賽作品亦都透露咗d大嶼山鮮為人知嘅攝影勝地，有助大家尋幽探秘！
寫意人生 見證明信片式大澳水鄉日落
要享受人生就唔可以錯過每個機會欣賞靚景！想影日落，就一定要校啱時間去大澳，欣賞好似明信片咁靚嘅大澳日落！其實喺大澳影日落真係有好多選擇，不過首選一定係新基橋。
