過千部夾公仔機進駐葵廣！佔領4層商場＋必夾爆紅Chiikawa

過千部夾公仔機進駐葵廣！佔領4層商場＋必夾爆紅Chiikawa

大量夾公仔機進駐葵涌廣場，記者觀察所見1樓數目最多，每間店舖都好大而且好多部機！人氣角色包括Chiikawa、迪士尼、Care Bears、星之卡比、底褲兔，仲有盲盒、Figure、香水都有得夾，大家掃完街買完嘢去玩吓都不錯！

當天記者去碰碰運氣，試了兩次就成功出貨，只需$10就夾到一隻kuromi。記者推介大家可以選擇一些擺好位的夾公仔機，公仔越近洞口、積成一個小山丘的話，中獎機率就越大！但同時記者都留意到，一些人氣角色如Chiikawa的機，所設的隔板會較高、較難出貨，有些更會用鐵枝來阻擋公仔出貨！

但有網民就認為商場裡多夾公仔機並非好事，更形容為「死場先兆」，因為商場店舖空置率高，不想店舖長期空置，才招攬一些夾公仔店進駐。記者就希望可以藉此帶旺更多人流，為港人提供多一個娛樂活動，從而令更多人留港消費啦！