圍方運動狂熱月！ 必玩4大免費工作坊投入運動新體驗

活動 1：全城街馬 長跑訓練工作坊

活動日期：6月29日
「Get Set! Go!」準備好迎接一場前所未有嘅跑步體驗未？社會企業「全城街馬Run Our City」將會喺6月29日舉辦一場充滿活力同挑戰嘅長跑訓練工作坊！活動從專業嘅理論課程中學習如何掌握良好嘅跑步姿勢，提升體能；仲有5至6公里區內跑步訓練等你將理論付諸實踐，挑戰自我極限！無論你係跑步新手定係有一定基礎嘅跑手，圍方呢個工作坊都將為你帶嚟唔一樣嘅跑步體驗。

活動 2：HIIT汗水揮發日 + 全身靜態伸展活動

活動日期：7月7日
已經唔記得幾耐無做過運動……唔緊要，重拾汗水嘅機會嚟啦！「圍方運動狂熱月」請嚟亞洲運動及體適能專業學院嘅高級體適能教練，親自帶領參加者一同參與高強度間歇訓練(HIIT)及全身靜態伸展。活動透過高強度間歇訓練，燃燒卡路里，塑造完美身型；而全身靜態伸展則能幫助放鬆身心，提升柔軟度，等你得到好好放鬆！

活動 3：Too Chill For Yoga瑜伽體驗日

活動日期：7月13日
無論係經常坐辦公室，定係長期企喺到，都市人間唔中都會出現腰背痛等問題，得閒做下瑜伽鬆一鬆，絕對係唔錯嘅選擇。喺7月13號，圍方同本地瑜伽運動品牌「Too Chill For Yoga」會舉辦一場盛大嘅瑜伽體驗日，由註冊物理治療師同品牌大使瑜伽導師親自帶領，為大家打造一場身心靈旅程！喺工作坊中，將有機會體驗多款靜態同動態瑜伽課程，包括筋膜保養瑜伽、平衡與核心瑜伽、夏日排毒瑜伽、瑜伽舞蹈初體驗、美臀運動課等。從柔軟度到力量，從放鬆到挑戰，可以全面提升生活質感，同時享受瑜伽帶來嘅身心平衡。

活動 4：ASICS大圍跑步探索團

活動日期：7月19日
起跑啦！今次圍方請嚟日本跑鞋品牌ASICS星級教練徐弘泰為參加者提供一次專業運動員嘅跑步體驗。呢次不單止係提升跑步表現嘅機會，仲教大家以輕鬆節奏漫遊城市，發掘跑步嘅滿足感同不一樣嘅樂趣。
話你知，所有活動名額將由即日起喺MTR Mobile手機應用程式上開放比公眾，大家可以1,000 MTR分換領，數量有限，換完即止，＜按此參加＞！想喺呢個夏天做住運動找尋生活嘅無限可能，就要快啲行動啦！

Info Box：
圍方 – 運動狂熱月
地點：大圍車公廟路18號-港鐵大圍站上蓋
更多詳情，請密切留意圍方官方Instagram