【玩樂好去處】「共築幸福•屋邨節」前哨活動搶先看！

Jul 26 2024

話咁快到咗夏天啦，天氣咁好又點可以唔出門玩呢！其實香港尚有好多地方等住大家發掘，唔同地方隱藏咗不同地區特色文化㗎，就算係你住緊嘅屋邨都唔例外；今個夏天一於尋找生活中嘅小確幸，一齊出發！

【玩樂好去處】「共築幸福•屋邨節」前哨活動搶由房屋局及香港房屋委員會策劃【共築幸福•屋邨節】，務求令居民幸福感有所提升（圖片來源：新假期） — 由房屋局及香港房屋委員會策劃【共築幸福•屋邨節】，務求令居民幸福感有所提升（圖片來源：新假期）

由房屋局及香港房屋委員會策劃嘅【共築幸福•屋邨節】，以提升市民們嘅幸福感為目標，希望透過一連串主題活動，務求增強社會凝聚力，令大家開心指數Level up！
是次活動將會於超過30條屋邨舉行，房屋署助理署長黃至中表示 : 「今次活動特別強調推廣幸福概念，喺規劃活動時，亦務求讓居民可以感受屋邨獨特的文化、氛圍和人情。」

【玩樂好去處】「共築幸福•屋邨節」前哨活動搶房屋署助理署長黃至中表示今次嘅活動旨在推廣幸福概念。（圖片來源：新假期） — 房屋署助理署長黃至中表示今次嘅活動旨在推廣幸福概念。（圖片來源：新假期）

【共築幸福•屋邨節】嘅活動計劃於今年9月舉行，但為咗令市民們能更加積極投入活動，所以喺6月至8月期間將會舉辦多項文娛康樂前哨活動，費用全免，希望鼓勵大家一齊參與！即刻睇吓有咩玩先：

多元化前哨活動1:單車新手速成班

Chill住踩單車，絕對係減壓好方法之一！由房屋局和房委會主辦，並與香港共享單車品牌LocoBike以及大埔歷奇單車會聯合舉辦嘅單車課程，開班教授18歲或以上嘅市民，傳授簡單嘅單車操控技巧及基本道路安全知識，等大家都可以安全地享受踩單車嘅樂趣！

【玩樂好去處】「共築幸福•屋邨節」前哨活動搶單車新手速成班將會教授基本道路安全知識及單車技巧（圖片來源：新假期） — 單車新手速成班將會教授基本道路安全知識及單車技巧（圖片來源：新假期）

【玩樂好去處】「共築幸福•屋邨節」前哨活動搶參加者可透過免費單車新手速成班學習踩單車嘅技巧，準備參加【共築幸福•屋邨節】的單車文化導賞項目。（圖片來源：新假期） — 參加者可透過免費單車新手速成班學習踩單車嘅技巧，準備參加【共築幸福•屋邨節】的單車文化導賞項目。（圖片來源：新假期）

擔心踩單車好難上手？LocoBike主席程俊豪為各位提供小貼士，正式學踩單車前必須調整好座墊高度，雙腳都能夠輕易碰到地面就最安全，希望大家都可以一Take過關！

【玩樂好去處】「共築幸福•屋邨節」前哨活動搶 LocoBike主席程俊豪（圖片來源：新假期） — LocoBike主席程俊豪（圖片來源：新假期）

日期：2024年7月及8月
地點：沙田區
*將於活動前兩星期於共築幸福網站或透過Loco App登記，名額有限，先到先得。詳情請參閱社交媒體公布

多元化前哨活動2:共築‧ 幸福跑團招募

3，2，1！起跑～由房屋局和房委會主辦及「RunOurCity」所籌劃嘅「共築‧幸福跑團招募」，將會定期舉辦跑步訓練，提前為9月嘅重頭節目「幸福跑團」做好萬全準備！參加者不但可以交流運動心得，仲能夠互相鼓勵培養運動好習慣，一舉兩得。

【玩樂好去處】「共築幸福•屋邨節」前哨活動搶由「RunOurCity」所籌劃嘅「共築‧幸福跑團招募」將定期舉辦跑步訓練。（圖片來源：新假期）（圖片來源：房屋局和房委會） — 由「RunOurCity」所籌劃嘅「共築‧幸福跑團招募」將定期舉辦跑步訓練。（圖片來源：新假期）（圖片來源：房屋局和房委會）

跑步訓練嘅路線主要圍繞城門河，時間大約係1小時30分鐘。策劃跑團嘅「全城街馬」項目經理文子洋表示選擇城門河，係因為城門河地理位置方便，能夠貫穿新界不同地區。而且每個地區都蘊含獨特嘅特色，街坊帶路共同創辦人譚健樂認為每條屋邨都能夠反映不同地區嘅特別文化；當中沙角邨嘅大樓其實都係用唔同雀鳥嘅名稱命名，而且外牆都印有雀鳥圖案，非常獨特！