【全民運動日2022】8月7日 全港多個羽毛球場/網球場/籃球場/健身室/游泳池/免費預訂或開放 + 一連串康體活動免費參加！
夏天最啱同陽光玩遊戲，無論你是否熱愛運動，都會想做下運動，出一身汗！一年一度的全民運動日又嚟啦！今年定於 8月 7日（星期日）舉行，跟以往一樣，康文署會在轄下 18區指定場地舉辦多項免費康體活動，大部分康樂設施亦會免費開放。想參加活動或使用運動設施的朋友，記得 mark實以下日子拎活動券或 book 場呀！
18區室內/戶外康樂設施 8月 1日開始免費 Book 場！
每年全民運動日最令人期待就是可以免費 book 場。今年大部分康樂設施同樣會免費開放，大家可以由 8月 1日（星期一）上午 7時起，在康文署各區場地的「康體通」訂場櫃枱（不包括自助服務站）及網上預訂系統，預訂 8月 7日(星期日) 可供免費使用的康樂設施。而屯門康樂體育中心及水上活動中心/度假營/各分區康樂事務辦事處「康體通」訂場櫃檯，將分別於上午7時45分及上午 8時30分開始提供服務。
8月 7日當天免費使用的康樂設施：
| 室內康樂設施 | 羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、草地滾球場、高爾夫球設施、健身室、活動室、舞蹈室和單車賽道 |
| 戶外康樂設施 | 網球場、網球練習場、草地滾球場、棒球練習場、運動攀登牆、射箭場、繩網陣和高爾夫球設施（不包括營地設施、運動場、人造草地球場和天然草地球場） |
| 公眾游泳池 | 不包括灣仔游泳池及因改建工程而暫停開放的摩士公園游泳池及九龍仔游泳池 |
| 水上活動中心艇隻 | 創興水上活動中心的康樂獨木舟、水上單車、舢舨和彩艇只供營友免費使用 |
預約先到先得，每人只限預訂設施一節，預約後亦要記得準時出席呀！
免費康體活動券7月 25日開始派發！
如果你無運動嘅習慣，又點知邊種運動適合自己呢？趁全民運動日，參加 8月 7日(星期日)下午 2時至 6時喺康文署轄下各分區指定體育館舉辦的一連串免費康體活動，同朋友或屋企人體驗下唔同運動嘅樂趣！
免費康體活動包括健康講座、運動示範、健體閣、親子／兒童／青少年體育活動、長者/殘疾人士活動及體育同樂活動等。
活動券將於7月25日(星期一)上午8時30分起在各區康樂事務辦事處或指定場地派發。
詳情可 按此 了解。
免費全民健體操影片 齊齊 Sport from home！
其實運動隨時隨地都可以做，足不出戶亦得，活動當日巿民可以收睇網上平台直播運動示範，遙距跟教練做運動。又或者睇睇以下短片，同中國香港體適能總會教練學做「全民健體操」！日日運動半個鐘，就可以 keep 住活力，令心境更愉快！
圖片來源：LCSD
