露營好去處｜元朗農樂營彩虹小屋包BBQ！ViuTV節目《我哋係COLLAR》取景地
露營好去處 元朗彩虹小屋觀星營地
《我哋係COLLAR》取景地／一口價包住宿燒烤主題房
農樂營露營地點位於元朗，去年完成翻新工程後推出10款全新主題露營小屋，房內配套齊全，設備包括獨立洗手間、冷氣設備、電熱水煲及冷熱水沐浴裝置，每間最多可提供6人入住。價錢方面最平人均$460左右，就可以玩足20小時。以價論價，就同去Staycation差唔多，但勝在可以一班人齊齊玩，夜晚又可以一齊觀星，非常寫意！
最近ViuTV新節目《我哋係COLLAR》於農樂營取景拍攝，8位成員仲喺度過咗個3日2夜嘅Staycation，睇下佢哋玩得幾開心！
農樂營經過翻新後提供多個主題嘅露營小屋，包括溫莎堡、愛丁堡、宇宙太空、希臘愛琴海、紐堡賽道、波希米亞、亞馬遜森林、阿菠蘿飛船、京都府、布吉府、泰國皇宮、歐式小木屋等，入屋就可以擁有置身外國嘅感覺，影相打卡都認真一流！其中波希米亞風及愛琴海風嘅房型更設開放式廚房，情侶想煮吓飯仔就啱晒！
透明觀星帳幕超浪漫 私人後花園BBQ勁方便
其中6間小屋更設有天台放置透明觀星帳幕，夜晚帳幕上嘅燈飾更會亮起，氣氛相當浪漫！露營費用更包自選燒烤食材套餐，包括大海蝦、牛仔排、羊架等等，每間小屋均有個後花園仔，提供BBQ爐及戶外桌椅，無需額外租借，非常方便！
遊樂設施任玩 2,000尺兒童遊樂室＋戶外玩樂區
營內遊樂設施非常多元化 ，除咗提供各式各樣嘅紙牌棋盤遊戲、迷你充氣彈床、動感平衡車、更設有室內2,000尺兒童遊樂室和戶外玩樂區，還有卡拉OK設備和電動麻雀枱。另外營地附近設有自家五萬尺養漁塘及兩萬尺溫室果園，當去到12月當造的日子時，便可以到漁塘體驗網魚及採摘溫室士多啤梨，一於嚟個2日1夜之旅啦！
- 農樂營
- 地點︰元朗牛潭尾路攸潭尾村
- 開放時間︰星期一至日 上午9點至晚上10點
- 電話：6606 1660 （WhatsApp ）
- 交通：
1. 乘搭小巴： 於元朗大馬路，「開心廣場」後福康街小巴總站乘搭37專線小巴，於總站「攸潭尾村公所」站下車（車程約15分鐘），步行約3分鐘到達營地
2. 自駕前往： 往元朗葡萄園方向，駛至葡萄園分叉路，轉入攸潭尾村公所
3. 乘搭的士： 於元朗西鐵站或錦上路站前往營地，車費約港幣60-70元 - 網址：https://www.wemomenthk.com/
問：元朗彩虹小屋觀星營地可多少人入住？
答：10款全新主題露營小屋，每間最多可提供6人入住。
問：屋內有甚麼設備？
答：設備包括獨立洗手間、冷氣設備、電熱水煲、冷熱水沐浴裝置。
元朗彩虹小屋觀星營地可多少人入住？
12款全新主題露營小屋，每間最多可提供6人入住。
屋內有甚麼設備？
設備包括獨立洗手間、冷氣設備、電熱水煲、冷熱水沐浴裝置。
