元朗菠蘿園農莊一日遊！佔地13萬呎 新設多肉植物園區+可愛草泥馬＋自家製新鮮菠蘿小食 附收費及開放詳情

【溫馨提示】由於本港疫情反覆，各位入場前必須探熱體溫、佩戴口罩同清潔雙手。大家遊玩時亦請保持社交距離，出發前先留意每日疫情最新消息。

元朗菠蘿園農莊一日遊！
佔地13萬呎 同可愛草泥馬見個面

有機薈低碳農莊曾經一度係香港首個草泥馬樂園，園內有多元化嘅設施同活動，如親摘新鮮水果、蔬菜田、親親動物、多種工作坊等，適合親子、情侶等前往，體驗野郊之美。只要踏入「親親動物園」，就可以看到小兔子同小羊，喺餵飼動物嘅時候要記得放慢動作，摸牠們時亦要保持溫柔，唔好嚇到害羞嘅動物們呀！接觸動物前後，請記得洗手！洗手！洗手！重要所以寫三次！

菠蘿園引入4隻澳洲草泥馬（羊駝），性格溫馴親人，呆萌的模樣也吸引了不少嘅人慕名而來，購買飼料後就可以慢慢親手餵飼牠們，只要動作夠慢，不嚇到牠們嘅話也會主動靠近你呢，超可愛呀！而牠們嘅頸圈分別為藍色（男仔）及紅色（女仔），亦寫上牠們嘅名字。

新設多肉植物園區有過千個品種

近年多肉植物多咗唔少市民愛戴，於是農莊就新增一個多肉植物嘅園區，區內有過千個品種，有d真係較為罕有

除此之外，農莊亦提供多種DIY工作坊予遊人參加（各項收費不一），如 ：DIY環保袋拓印、DIY真皮羊駝鎖匙扣、農耕體驗、黏土班等，地方夠大以及活動之多，玩足一日都無問題！

兩大必去打卡位

除咗玩當然唔可以忘記影相留念，園內設有多個打卡位而花隧道同天空之鏡係必去打卡嘅地方！兩個打卡位都設有教學，例如:指出最佳站立位、手機用咩角度拍照等……

有得食有得買

玩足成日有啲餓可以試吓呢度嘅特色小食，另外，離開前可以買手信作留念。

前往方法

有機薈低碳農莊Go Green Organic Farm

地址：元朗錦田四排石（顯示地圖）
前往方法：西鐵錦上路站 A 出口，步行約5分鐘。
電話：5579 2178/3489 2778
營業時間：星期一至日10am-6pm（新年期間照常營業）
收費：農莊遊套餐$150/成人、$100/小童（3歲至12歲）
單項活動或特別活動優惠收費，請參考官網（按這裡）

問：遊玩農莊大概需時大久？
答：建議預留兩小時以上遊覽農莊。

問：元朗仲有咩好玩？
答：元朗唔單止有農莊可以餵餵草泥馬，採摘新鮮水果，仲有無敵玻璃天幕露營車及彩虹小屋觀星營地，即睇埋：6大元朗好去處合集