【假日好去處】一次滿足你3個願望 文青、拍拖、打卡之選 贏昂坪360．天際100日夜賞套票

天際100及昂坪360免費送你假日玩樂套票，立即參加昂坪360 Facebook有獎問答遊戲，有機會贏取套票2張，畀你同摯愛親朋好友一齊「一張套票，兩日娛樂」，玩盡兩個景點！即刻到 www.facebook.com/np360 參加，千祈唔好錯過！

放假懶閒閒有咩好做？吓吓唔係行街就食飯都好無新意姐！要諗吓有咩新活動？不妨考慮吓由昂坪360及天際100香港觀景台聯乘推出嘅全新套票：昂坪360．天際100日夜賞，由5月20日至12月15日，就可以用低至68折嘅價錢，用一張套票喺7日內以多角度玩盡昂坪360及天際100兩大景點，仲可以欣賞特色日夜、城郊美景！以下有3個提案，比你同另一半玩足全日！

01 搭纜車睇日落 + Magic Hour + 維港夜景

香港其實有好多超靚景，只要你識得揀啱時間同角度，就算手機影都似pro。建議可以喺下晝2點半後，先坐昂坪360東涌纜車站搭乘昂坪纜車觀賞大嶼山自然風景及暢遊昂坪市集；玩完一日之後，到夜晚6點登上全港最高嘅環球貿易廣場100樓，喺天際100香港觀景台，鳥瞰全港四方八面截然不同不同的夜景及欣賞「愛在天際」光影匯演！

魔幻時刻，Magic hour，對影相發燒友一啲都唔陌生，意思係指黎明時日光將出或者黃昏日落時段天色幻化，接近仙境嘅一刻！行完昂坪市集之後，差唔多日落，坐昂坪360 纜車落山就可以睇到呢個Magic Hour！跟住順手坐港鐵東涌線都超方便，唔駛半個鐘到天際100香港觀景台，即可在393米高空欣賞窗外維港兩岸及九龍區嘅璀璨夜景，仲趕得切睇7點嗰場「愛在天際」光影匯演，咁多靚景，可以同honey打足一日卡！

02 兩日行程: 漫遊昂坪市集 + 大澳漁村 + 天際100睇日落再歎夜景

慢活，係文青必要嘅生活態度。有咩好得過放假瞓到自然醒，然後去個昂坪市集悠閒食個港式tea，行吓大佛、寶蓮寺欣賞古色建築文化，夠時間嘅話仲可以去埋大澳體驗漁村文化！

第二日黃昏去天際100，嗰度有個28米嘅巨型互動故事牆，等你逐一細味100個有趣嘅香港故事，之後到Café 100 by The Ritz-Carlton, Hong Kong，一邊把酒欣賞日落美景；待華燈初上，仲可以喺高空獨有嘅角度拍下唯美嘅香港夜景，即刻upload上IG story，同朋友分享你咁豐富嘅2日假期！

03 浪漫之旅 昂坪市集許願亭 + 搭纜車睇Magic Hour + 天際100睇夜景

拍拖如果可以keep到十年如一日，日日都sweet到爆，就要學識點樣保鮮，而保鮮嘅要訣就係心思同驚喜！作為一個完美嘅男朋友，梗係要識得帶你個靚靚女朋友去昂坪市集嘅打卡點影個靚相，到日落就坐纜車睇Magic Hour，跟手去天際100香港觀景台同另一半一齊手拖手睇夜景同光影匯演，再去埋Café 100 by The Ritz-Carlton, Hong Kong食個靚dessert，保証甜蜜升級，由朝打卡打到晚，仲有唔同特色嘅靚景，幫女友呃like話咁易！

依家有昂坪360 Facebook有獎問答遊戲，有機會贏取「昂坪360．天際100 日夜賞」套票2張(共10份)，千祈唔好錯過：www.facebook.com/np360

68折優惠套票適用於昂坪360及天際100香港觀景台
日期：2019年5月20日至12月15日
昂坪360網址：www.np360.com.hk
訂票專頁：www.np360.com.hk/tc/ticketing
天際100香港觀景台網址：www.sky100.com.hk
訂票專頁：sky100.com.hk/ngong-ping-360-sky100-day-night/