香港首個水底展覽「潛行台灣」 4大展區率先睇 潛入泳池睇盡珊瑚群展品/水底郵筒

撰文：Heidi.M｜圖片來源：臺灣觀光協會香港辦事處

香港首個水底展覽「潛行台灣」
4大展區率先睇

台灣一向係香港人最愛嘅旅遊熱點之一，不過經歷兩年嘅疫情，好多香港人都未去過旅行，無法再訪台灣嘅水底世界。而今次展覽將分成5大區域，展出25幅台灣和香港知名水下攝影師於小琉球、墾丁、綠島、蘭嶼、東北角及澎湖拍攝的作品。鍾意水上活動或潛水嘅朋友，可以喺活動中穿上潛水裝備潛入游泳池，於水底欣賞攝影大師的作品。

1. 澎湖薰衣草森林區

由淺入深，泳池最淺水嘅地方係澎湖薰衣草森林區，重現澎湖南方四島生態豐富嘅一面，感覺就好似置身於東吉嶼嘅淺水位睇珊瑚群。

2. 小琉球綠蠵龜區

之後就到必打卡水域，小琉球綠蠵龜區。小琉球係全世界海龜最密集的地方之一，綠蠵龜成為小琉球最吸引外國潛水員嘅海洋明星。這次展覽於游池中央展示6隻海龜明星，分別擺唔同姿態比大家合照呃like。

3. 微距生物區

綠島、墾丁等小生物也特多，於游池最深3米處設有微距生物區，展示多種微距生物攝影大師作品。

4. 大景地貌區

綠島係國際級潛水勝地，除咗有豐富多樣嘅生態環境外，最著名當然係水底郵筒。而今次各位潛水員都可以於水底體驗水底郵筒投寄明信片，相當有趣。

講座及攤位 更深入認識台灣

返上陸地同樣精彩有三場講座同攤位令你對台灣海洋零距離，又長知識啦！包括「台灣水攝世界之美」講座、「我和珊瑚魚有個約會」講座及「潛水初哥的台灣潛水之旅」講座。

要留意，當日活動僅適合擁有開放水域潛水員或以上資歷嘅專業人士到場觀賞展覽，其他人士則可於11月6日至12月30日喺大會官網睇相關作品。

「潛行台灣-香港首個台灣水底展覽」
日期：2021年11月6日
時間：9AM-6PM
地點：香港何文田天光道2號英皇佐治五世學校
費用：免費 （須預約，名額有限）
報名方法：按此

問：活動於何時舉行？

答：11月6日。

問：活動需要費用嗎？

答：費用全免。