教你$30自製人生四格！超多相框選擇＋3步驟印相超方便 30秒拎得
廣告
相信大家都一定有影過韓式自拍機，但如果不想花時間外出拍照，其實自製人生四格亦超簡易！最近記者於AEON發現一部自助印相機，多相框選擇之餘，還可以直接於手機上載相片，而且打印過程便利快捷，只需要30秒就可以取相！效果與一般自拍機打印出來的相片差不多，想試試的朋友不妨參考吓！
教你$30自製人生四格！超多相框選擇＋3步驟印相超方便 30秒拎得
近來全港不少AEON都引入「Yum Me Print相片打印機」，記者於旺角AEON STYLE分店更發現了Kuromi限定相片打印！打印過程便利快捷，只需要Scan QR Code，無需下載手機應用程式，然後從手機選擇相片及相框，最後選擇付款方式即可！全程1分鐘左右就可以拎到相，畫質亦不錯，好方便啊！
自製人生四格 3步驟印相超方便
- 步驟一：先揀選4張喜歡的相片，用拼貼App拼成4格相，比例為4:5；記者使用的是「PhotoGrid」App。（為保持一致性，建議最好揀選同日、同角度的4張相啊！）
- 步驟二：點兩下將圖片縮細，預留兩邊白邊作出血位，防止邊界超出列印範圍。
- 步驟三：返回Yum Me Print網頁，上載相片然後選擇邊框，然後付款即可取相！
Kuromi限定相片打印機
Kuromi限定相片打印機暫時只得AEON STYLE康怡、旺角及油塘、AEON將軍澳及荔枝角店及Living PLAZA by AEON粉嶺碧湖店設有，其他地方相對選擇會較少啦，Kuromi粉絲一定要試吓！還可以加入錄音功能，讓你能夠在打印後隨時用手機加上錄音！只要再次掃瞄錄音二維碼即可隨時聽取錄音，好特別！
圖片來源：新假期編輯部
