人氣日牌進駐德福廣場！MUJI旗艦店＋龍貓主題店＋飲食購物日日賞優惠

Jul 9 2020

今個夏天唔可以飛返鄉下，喺香港出街又怕熱，梗係想喺室內涼吓冷氣啦，九龍灣德福廣場最近仲有多個品牌進駐，加埋星期一至四「仲夏夜滋味」同星期五至日「消費$1800送$200」嘅推廣活動，仲有每個星期都有唔同嘅$1美食，絕對係消暑好地方！

全港最大佔地2.4萬呎MUJI旗艦店

MUJI無印良品一直深受港人歡迎，旗艦店以「食」作為概念主題，佔地2.4萬呎，除咗平時會買到嘅衣服同生活用品外，更加首次引入「食材市集Food Market」、Café&Meal MUJI、日式外賣便當、家居設計諮詢同刺繡服務。平時亦會有唔同主題區，販售各種日本熱賣商品。

新鮮日本直送蔬果+歎啡+日式外賣便當

「食材市集Food Market」以一貫簡約風格裝潢，打造清新嘅蔬果市場，提供多種日本直送嘅新鮮蔬果，好似去咗日本超市一樣！行到攰想飲返杯咖啡，Café&Meal MUJI同茶米工房有唔同類型嘅咖啡及茶葉選擇，舒適環境最啱渡過悠閒嘅weekend。

「食材市集Food Market」提供各種新鮮蔬果，全部日本直送，好似去咗當地超市一樣！

Café&Meal MUJI除咗咖啡，茶米工房仲有各種唔同茶葉選擇，全部口味出面都好少有！

平時懶懶地唔想煮飯，或者放lunch唔想同人逼，呢度就有啱哂附近上班一族嘅各式各樣日本便當外賣，輕鬆品嚐到日式風味。

家居設計諮詢服務+刺繡服務

唔少人都好鍾意MUJI嘅日系簡約風格，旗艦店更加新增家居設計諮詢服務，為大家喺屋企設計上提供度身訂造嘅設計，打造時尚嘅MUJI Home！衣服方面，客人更加可以為自己嘅上衣、手帕、袋類、便服鞋、毛巾及家居布藝等指定布製商品加添個人色彩，加上圖章或刺繡令衣服變得獨一無二。

MUJI

位置：德福廣場2期4樓401-402號

龍貓主題新店多款限量新品

鍾意龍貓嘅朋友唔可以錯過，除咗精美文具同精品，仲有德福店獨有嘅千與千尋無臉男浴室系列同經典復古風系列玻璃杯系列，各位宮崎駿迷記得唔好錯過喇。

橡子共和國

位置：德福廣場2期4樓408號

多間特式餐廳進駐

7月至8月期間，將陸續有新餐廳進駐，嚟緊會有超過50個美食選擇俾大家慢慢揀 ! 當中包括中港特式美食同韓國菜，當然唔少得啱晒上班一族嘅西式快餐啦，係咪睇見都覺得肚仔餓呢！

人氣日牌進駐德福廣場！MUJI旗艦店＋龍貓主題店＋飲食購物日日賞優惠 — 炸雞脾專門店「Chicken 852」
位置：德福廣場2期5樓501B號

同場加映:：商場食買優惠攻略

Shopping 完梗係要醫埋肚啦！德福廣場、青衣城、PopCorn即日起至7月30日逢星期一至四6pm 後推出夏日限定「HK$1至Hot招牌菜」，包括黑松露雜菌薄餅、雪糕朱古力軟餅等等。喺指定食肆消費每滿HK$500，仲可得到高達HK$200餐飲優惠券（每張單據消費上限為HK$2,000）。唔止咁呀，逢星期五、六、日於任何兩間零售商戶消費滿HK$1,800，即送HK$200港鐵商場購物優惠券，包括HK$100時裝及美容類別優惠券及HK$100鐘錶/首飾/電器用品/電訊類別優惠券，又食又拎超抵玩！