九龍塘紅葉｜根德道花園都有紅葉睇！隱世賞楓地點 附詳細路線圖
廣告
九龍塘紅葉｜近年不少市民為咗一睹大棠紅葉嘅風采，都到大棠、粉嶺等地賞紅葉，不少媒體都影到楓香林被逼爆嘅情景，甚至需要岀動警方派員駐守。睇嚟市民對賞紅葉嘅熱情度有增無減！不過大家又知唔知除咗大棠同粉嶺外，其實市區都有好多賞楓好去處，一於跟記者去賞楓啦！
香港6大推介紅葉合集
香港市區紅葉景點，其中一個紅葉景點位就係九龍塘根德道花園，交通方便之餘，人流較少（圖片來源：新假期編輯部）
由F岀口距離根德道花園較近（圖片來源：新假期編輯部）
上到地面轉右往前行（圖片來源：新假期編輯部）
見眞光里路牌向右直行（圖片來源：新假期編輯部）
直行然後轉左（圖片來源：新假期編輯部）
見到九龍眞光中學再往小徑直行（圖片來源：新假期編輯部）
小徑正在進行道路工程，大家要小心喲（圖片來源：新假期編輯部）
行過小徑向左望會見到籃球場（圖片來源：新假期編輯部）
你睇遠望已經睇到楓香樹（圖片來源：新假期編輯部）
九龍塘紅葉｜唔使去大棠 市區都有紅葉睇！隱世賞楓地點 附詳細路線圖
【溫馨提示】自己垃圾自己帶走，賞葉時緊記眼看手勿動，切勿採摘花草，要愛護公物，咁先可以令更多人有機會欣賞。
講到香港市區紅葉景點，其中一個就係九龍塘根德道花園，交通方便之餘，人流較少，約埋三五知己嚟打卡兼想紅葉，順便野餐都仲得！
九龍塘紅葉｜交通方法
到達九龍塘站後，有好幾個岀口都能前往根德道公園，而最近嘅就喺由F岀口坐扶手電機直達地面，再靠左行。
根德道花園嘅面積唔算大，園內主要只有一條緩步徑，但呢個小小嘅公園就種有一排為數5棵嘅楓香樹。公園內有一塊草地同多張長椅；鄰近有泊車位，假日嚟放鬆下甚至比小朋友嚟放電，都係個唔錯嘅選擇。
九龍塘紅葉｜賞紅葉小知識+打卡技巧
據公園嘅工作人員話，園內嘅紅葉要過咗小寒同大寒先會全部變紅，而家仲係變色階段。呢度嘅楓香樹，樹齡已經有十幾年，所以樹身較高，用手機打卡嘅時候可以用錯覺拍攝法，甚至低抄拍到更多嘅楓樹。
| 九龍塘根德道花園交通資訊 | |
| 於九龍塘地鐵站F出口，往九龍真光中學方向步行。 |
前往方法為？
於九龍塘地鐵站F出口，往九龍真…更多詳情
仲有無睇紅葉地方推介？
香港還有不少地方都有紅葉盛放，像是石龍拱、欣澳等…：5大賞楓好去處
圖片來源：新假期編輯部
