【中秋好去處2024】「月滿升空• 一起追夢」東涌海濱花燈節 6大打卡位逐個睇！

這次活動的創意總監是由億萬票房動畫電影導演兼當代藝術家William擔任！他在設計各個打卡位和藝術裝置的同時，還巧妙地融入了ESG（環境、社會及管治）的元素。立即了解更多睇吓啦：

必去熱點1｜6米高火箭及玉兔巨型裝置

一起登陸月球，與身穿太空衣的玉兔和火箭合照留念吧！設計師William表示，這隻宇航玉兔是專為本次活動主題「月滿升空• 一起追夢」精心打造的。可愛的玉兔和火箭將作為本次活動的吉祥物，為大家帶來無限驚喜與歡樂。此外，所有裝置均採用環保材料製作，秉持保護環境的責任。

必去熱點2｜超夢幻！大型戶外沉浸式藝術裝置

想沉浸式感受浪漫中秋氣氛，就一定要觀賞埋以下超大型嘅沉浸式藝術裝置！負責設計師William用了大量時間預備，而今次嘅沉浸式藝術裝置規模龐大，可謂近年數一數二嘅大型戶外藝術裝置。為了切合今次航天主題，動畫融合了太空影像及香港美景等元素精心設計，並採用自家訓練的AI模型協助，呈現不一樣的藝術效果。希望能為大家帶來難忘及驚喜的中秋回憶！

必去熱點3｜花燈藝術走廊

講到中秋節，怎能少了猜燈謎的環節呢！設計師William認為，今年的花燈藝術走廊別具意義。走廊內的所有花燈均由一群熱愛藝術的小朋友及SEN（特殊教育需要）學生創作，作品以太空和中秋節為主題，每一個設計都獨一無二！色彩繽紛的燈籠成功吸引了不少家長和外國人前來打卡留念，大家一起來支持小朋友的作品吧！

必去熱點4｜2米高月亮椅

大約4米長及2米高嘅月亮椅亦係受歡迎嘅打卡位之一，旁邊更有迷你兔子及星星造型燈，能夠輕鬆拍攝出IGable照片！夜晚時分，月亮椅更會轉顏色，配海濱唯美海景，別有一番風味！

必去熱點5｜滿佈夜光小裝飾！

除咗以上巨型打卡位，場內不同位置都佈滿以航天宇宙為主題嘅小裝飾，包括：星河花園、色彩繽紛嘅花花及兔子裝飾等，立即逐個搵晒出來啦！

必去熱點6｜太空探索創新科技展！

除咗特色「打卡位」外，今次嘅花燈節仲有一個「太空探索創新科技展」，展示國家航天成就同太空探索嘅光輝歷程、香港喺國家航天工程上嘅參與、以及土木工程拓展署如何應用創新科技，啱晒鍾意航天同創新科技嘅朋友！

限定兩日！中秋節正日及翌日 晚上6時起精彩活動上畫！

於中秋節正日（9月17日）及翌日（9月18日），東涌海濱同埋旁邊社區聯絡中心都有精彩活動輪流上演。除了欣賞以上嘅必去景點，仲有本地街頭魔術表演、免費創意數碼拍照服務、攤位遊戲及派發小食等！贏得遊戲後仲可以獲得精美小禮物，記得入場玩喇！
此外，負責今次策劃今年「月滿升空• 一起追夢」東涌海濱花燈節嘅大導演William亦將會於場內出現同大家互動！聽下大家嘅意見! 若果大家能夠「野生捕獲」William，將會獲得神秘禮物一份㗎！
喺場內周圍行嘅時候，記得留意吓身邊啦～（IG : @williamologist）

（Presented by CEDD）