中秋好去處｜5米高肥貓空降葵芳新都會廣場 現場多圖直擊！6大超萌打卡位 25隻喵星人＋大型貓貓遊樂場＋夢幻彩光Show 貓奴必到！即睇詳情
廣告
中秋節諗好去邊度玩未呢？貓奴們注意啦，由9月19日至10月31日期間，今個中秋節有5米高肥貓「碌碌」登陸葵芳新都會廣場「喵喵遊園會Meow Plaza」，場內設有6大超萌打卡位，包括「喵の萌Pat」、「喵之秋橋」、「七彩線球」、「暸望台」等，每晚仲會有「夢幻彩光Show」可以睇，即睇多圖現場直擊！
撰文：GW ｜來源：新假期編輯部
【中秋節好去處】5米高肥貓空降新都會廣場
多圖直擊！巨型貓貓遊樂場＋6大超萌打卡位
新都會廣場「喵喵遊園會Meow Plaza」於9月19日至10月31日期間開放，主角是一隻5米高的肥嘟嘟的可愛黃貓「碌碌」，眼仔、塊面、PatPat都係圓碌碌，所以個名叫「碌碌」都係好合理！新都會廣場的L3-L4露天廣場都有碌碌的蹤影，包括佈滿場內的1米高巨型「七彩線球」、16米長的「喵之秋橋」，仲有一支巨型貓抓柱玩具！另外，在每晚的6-10pm都有「夢幻彩光騷」，場內會加入夢幻繽紛的浮動光影效果，配合上輕快的音樂，令露天廣場及空中花園變成為幻彩遊樂園，賞月賞喵兩團圓！
而在L5空中花園就有七彩布幕裝飾配以炫彩光影燈效，訪客們可以在這裡盡情休憩打卡，仲有25隻喵星人聚集在這裡，無論是躺著、坐著、行緊路等咩姿勢都有，貓奴們要集齊晒佢哋啦！在9月19至26日這裡更會加推中秋節活動「燈謎猜情尋」，一齊猜吓燈謎，共聚溫韾時光！
另外，主子美食街將在10月中旬一連4日進駐，邀來多間寵物食品店精心預備多款為毛孩而設的特色美食，例如採用山藥、挪威三文魚及紅菜頭等材料製成的主子壽司便當、造型吸睛又健康的肉肉卷蛋及濃香多汁的蒸肉球等產品。
圖片來源：
