【酒店優惠】短暫「出走」計劃！富薈土瓜灣酒店長期住宿優惠
眼見身邊好多朋友都已經出國旅行，但又未搵到時間請假飛返轉？而家喺香港都可以體驗到「旅行」嘅感覺～除咗Staycation之外，仲有得俾大家選擇入住7日、14日或者30日咁多，想享受漫長「假期」都絕對冇問題！
富薈土瓜灣酒店 交通方便
富薈土瓜灣酒店與港鐵土瓜灣站路程只需大約2分鐘左右，地理位置非常方便，無論係去旺角、尖沙咀等購物區都能夠輕易到達，想周圍shopping或者約朋友都好快到達。此外，酒店亦與紅磡火車站非常接近，連接去東鐵綫或西鐵綫都絕對無問題！而區內亦聚集唔少美食店，絕對可以大飽口福喇～
完善設備+24小時貼心服務
住得舒服固然重要，但可以享用埋酒店內各式各樣嘅設施就絕對bonus喇！客人每日都獲提供免費精選早點、免費享用無線上網或本地電話服務、仲可以24小時免費使用iLounge嘅咖啡及茶及使用Sweat Zone嘅健身設備，就算住喺酒店都可以好充實！
另外，住客可使用Regal Dining卡於5間富豪酒店（富豪機場酒店、富豪香港酒店、富豪九龍酒店、富豪東方酒店及麗豪酒店）嘅餐廳及酒吧消費，並獲得7折優惠；而酒店亦會定時為住客提供房間清潔服務，務求令各位長期都擁有舒適嘅居住環境。
房型種類繁多 一家大細都適合
酒店內一共有340間客房，當中一共有約8種類型嘅房型。而每間房間都已經有迷你冰箱、電熱水壺、液晶電視、辦公桌及多媒體裝置兼備USB和音頻連接埠等；若有其他需要亦可以提前向客服要求提供嬰兒床或者熨斗，房內設備應有盡有！
當中最特別嘅係有「家庭雙連房」，啱晒一家人或者同朋友一齊居住！雙連房間嘅面積加埋足足有約28平方米，互動空間夠大，又可以令大家住得舒服。
「長期住宿計劃」2023正式推出
由即日起至6月30日，富薈土瓜灣酒店推出「長期住宿計劃」俾各位盡情享受悠長嘅Staycation，提供7天、14天及30天嘅住宿計劃，最平只需$400/晚起！酒店房間設計型格時尚，全面無煙，舒適又乾淨嘅環境；居住喺高層嘅住客仲可以飽覽九龍區嘅美景或者維港海景。
圖片來源：Regal Hotels
