旺角Jellycat麵包！麵包店Plus Bread新品 必食開心果＋大福蛋糕
廣告
旺角朗豪坊發現Jellycat造型麵包！太子人氣創意麵包店「Plus Bread」於旺角開設限定店，更推出分店限定的Jellycat麵包和大福蛋糕，有楊枝甘露、開心果、栗子伯爵茶及秋季限定柿子共4款口味，賣相超級可愛，完全像真公仔一樣，想帶哂返屋企！
旺角朗豪坊Jellycat造型麵包＋蛋糕！
英國高端毛綁公仔品牌Jelltcat熱潮席捲全球，記者發現太子人氣麵包店「Plus Bread」於旺角朗豪坊開設限定店，更推出一系列參考Jellycat做的造型麵包及蛋糕，麵包上有齊表情、腳仔、頭頂飾物，超級可愛，驟眼望真的以為是公仔，好過癮！
4款Jellycat造型麵包＋大福蛋糕
4款Jellycat造型日式麵包及大福蛋糕只限旺角朗豪坊限定店供應，麵包方面分別有楊枝甘露波波JellyCat日式麵包及開心果波波JellyCat日式麵包，外形細緻度高，賣相可愛。記者最喜歡開心果味，包身軟熟，開心果餡幼細香濃；楊枝甘露就帶芒果清甜味，口感鬆軟。慶生未買蛋糕？兩款Jellycat大福蛋糕就非常適合，賣相打卡又可愛，有栗子伯爵茶及秋季限定柿子口味，煙韌軟糯的大福皮包裹着內餡，用手輕輕捏着「面頰」超可愛勁打卡，其中栗子伯爵茶口味頂層配上栗子伯爵茶忌廉和栗子粒，好像戴着冷帽一樣，可愛程度完全不捨得食！
《早前太子店報道》
太子新派麵包店Plus Bread！麵包／開心果盒子／Scone／蛋糕
新派麵包舖在香港開完一間又一間，最近又有新店開張啦！Plus bread由網店開到實體店，主打烘焙包點和蛋糕，於7月頭正式在太子開張。小店由在網店經營起，經已推出不同種類的麵包，如早前紅遍大陸的肉鬆小貝、巴斯克蛋糕、鹼水麵包等。新店開張期間，更有優惠，買滿$68，即可以$1換購無糖冷泡茶。
名稱：+Bread Bakery
地址：（太子店）太子太子道西157號別樹華軒地下10號舖（旺角朗豪坊限定店）九龍旺角亞皆老街8號朗豪坊L4 K403
營業時間：（太子分店）星期一至日 11am-8pm
（旺角朗豪坊限定店）星期一至日 8:30am-10pm
（旺角朗豪坊限定店）星期一至日 8:30am-10pm
Jellycat麵包只限邊間分店供應？
4款Jellycat造型日式麵包及大福蛋糕只限旺角朗豪坊限定店供應，更多詳情……
提供幾多款口味Jellycat麵包？
有楊枝甘露、開心果、栗子伯爵茶及秋季限定柿子共4款口味，賣相超級可愛。，但要注意……
關鍵詞
飲食熱話
圖片來源：IG@hkfattyexplorer、小紅書@plusbread
