Mirror月餅再度引起熱潮！華爾登餅店製作12個成員粉絲名＋《大叔的愛》金句 另推Error四子、格仔導演、花姐月餅｜飲食熱話
廣告
Mirror姜濤Haagen-Daz月餅一開賣極速售罄，大批姜糖都抱怨搶唔到！不過身為姜糖之一的華爾登餅店老闆Naomi，近日在官方專頁發佈出Mirror月餅，月餅印上每位成員粉絲名字及《大叔的愛》金句等，引起一眾鏡粉眼紅想買！除此之外，更有Error四子名、格仔導演Mike及花姐月餅添，一眾前夫要睇邊度開賣啦！
撰文：艾菲｜圖片來源：華爾登餅店
Mirror月餅集齊12子粉絲名
Mirror熱潮依然不斷，沒有再紅，只有更紅！早前Häagen-Dazs月餅印上可愛姜濤post，一開售已經極速掃光，網上更炒至$3,000一盒，認真誇張。不過一眾前夫搶不到，今次仲有機會！本土小店華爾登餅店近日推出Mirror粉絲名月餅，款款精緻，在月餅表面印上的粉絲名更清晰易見，引起鏡粉們查詢想買。原來華爾登餅店老闆是姜糖之一，不時在Facebook Page Post上姜濤應援物，今次製作Mirror應援月餅可算是有福齊齊享！
網民留言：求出12星伴月
不過想買到心儀月餅也要靠緣份，店內每日限定數個款式及數量，更不提供訂購，看來12子粉絲名難以同場出現。有網民留言要求出一套Mirror連同花姐的12星伴月套裝，也有網民表示「今次月餅無訂購，前夫們大鑊了。」
大叔的愛/193金句＋Error四子＋格仔導演都有份！
除了當紅的Mirror外，月餅模更有其他創意金句、名字等，包括早前熱播的大叔的愛阿牧示愛金句「我都有大支嘢」、193名言「知我咩料啦！」、Error歌曲「我們不碎」，句句都深入民心，印上月餅上很有香港本土味道！記者仲發現老闆訂了多款字模，其中包括Error四子名字、格仔導演、Stanley花名「巨龍」、花姐等，不過買不買到製成品就靠運氣啦！
