KFC薯格暫別即日起由Fing Fing粗薯條接棒！網民嬲爆︰冇薯格就唔食！

KFC薯格暫別由Fing Fing粗薯條接棒！

有網民於討論區以「KFC冇咗薯格」為題發文，指出現時KFC已沒有提供薯格，而是由新推出的Fing Fing粗薯條取而代之。翻看官網菜單，的確已找不到薯格的身影，只有粗薯條（普通/大）供應。至於大家最關心的問題：「薯格何時回歸？」，就暫未有消息，一切都要等待官方公佈。

新出「Fing Fing 薯條」主打薯條粗身有口感，而且夠酥脆，更會送埋包勁爆惹味「卡真 Fing Fing 粉」讓大家調教辣度同口味添，更可以邊Fing邊食！

網民鬧爆：「抄麥當勞」、「薯格無咗真係可以唔食」

有不少心水清的網民都指出「Fing Fing 薯條」與麥當勞的shake shake薯條有異曲同工之味，但尚算可按受。但就不滿推出新薯條的同時踢走薯格，KFC這次操作卻意外焫著一眾食客，有不少人表示自己是因為薯格才會食KFC，直言若沒有薯格就罷食：「薯格無咗真係可以唔食KFC，薯格根本係KFC嘅賣點」、「食kfc有一半都係為咗食薯格」、「唯一去kfc既理由無咗」、「抄都唔好cut薯格啦下話」。