經KeeTa訂餐等足2小時事主憤而上網鬧爆　眼利網民反斥：你唔好再屈人哋

用KeeTa訂餐等足2小時　事主嬲爆

有事主分享自己使用 KeeTa 的不快經歷，他指出自己在中午 12:16 下了訂單，然而 1:20 卻發現外賣未到，當他聯繫送餐員時，對方表示還在餐廳等待取餐。到了1:44車手才致電表示到達，事主當下非常不滿，直言會「去平台到投訴，等咗差唔多2個鐘！」

送漏餐點火上加油　KeeTa拒絕退款

事主更指對方漏送了部分餐點，令他感到極度不滿，而事主要求平台退款時，對方更只送 HK$30 優惠券，令他更憤怒「你自己都寫明遲1個鐘以上就賠$100 coupon啦（準時保），依家送$30當人乞衣呀！」、「KeeTa真心垃圾，唔好再幫襯！（已del app）」。

網民留言恥笑：好明顯係你有問題！

網民看完後卻反而恥笑事主，又指出事主在灣仔叫外賣原本就會比其他地區耐，再加上當日天氣惡劣，無論是什麼平台都會有同樣的問題，「比漏嘢係餐廳嘅問題，準時補比唔足你又係另一個問題，餐廳出餐慢又係另一個問題，唔好撈埋一齊講」、「點解你覺得係app問題唔係間店問題？」，也有網民認為問題出在店家，事主要求平台賠款是不合理的做法。

• 「餐廳出野慢，關個 app 鬼事…」
• 「你方向錯晒！」
• 「你都幾搞笑﹐西客無誤」
• 「我送外賣見到米線一定踢單, 咁鬼重得幾十蚊, 下次唔好叫米線咪無事囉」