Donki激安殿堂被港人力數7宗罪！少日貨＋價錢貴 直言：Donki熱潮已過！

連登網民怒插Donki激安殿堂7宗罪
罪狀1.少日貨

去得Donki，自然是會想買到平靚正的日貨。不過有網民則指出Donki的貨物愈來愈少日貨，取而代之是港版貨。例如杯麵是港版杯麵，故讓網民高呼「我想買嘅日本嘢喺Donki搵唔到」、「去買港版我去759買平幾多」、「人哋胡池屋產地日本，喺香港賣嗰啲就大陸」。

罪狀2. 價錢貴不減價

另有網民指Donki激安殿堂於日本是走平民路線，但來到香港貨物價錢卻愈來愈貴，而且到了凌晨還不減價。例如有網民指「入晒成堆港版貨，仲要貴過出面」、「夜晚唔減價真係死罪嚟！如果覺得11點都仲有買正價出血壽司咪再晏啲囉」、「有時食完飯8、9點入去行下，啲壽司擺到霉都唔減」、「Donki啲嘢太貴啦，係貴到痴線嗰種」、「貴到XX，枝洗衣液出面賣緊40幾，佢賣70幾」。

罪狀3.食物質素差

有網民指食物質素愈來愈差，例如有人投訴「芝士蛋糕細舊得嚟又塔晒」、「啲熟食好低質，又貴！」、「啲拖羅放到成舊變咗黑色」、「啲麵包、蛋糕，簡直世紀級難食」。

罪狀4.職員態度差

亦有網民投訴指Donki的職員態度超差，直言「收個錢好似殺咗佢全家咁」，更有人分享自己過往的經歷，指自己有試過自助付款，結果需要尋求協助，後來有職員黑著面走過來，讓事主有不愉快回憶。

罪狀5. 擴張太快

也有網民指Donki實在擴張太快，很多地區都有分店，但指出「開太多分店，入貨愈嚟愈差，街愈嚟愈多賣同款但更平」，故有人認為其實Donki開在人流旺的地段已夠，但屋邨不用開。

罪狀6.食物好快過期

有網民發現到Donki的貨物有近8成都很快過期，指自己有次一次過購入很多貨物，但回到家發現薯片及醬油的食用期限都是3-6個月。

罪狀7.收購物袋錢

最後有網民投訴Donki不會再附送膠袋，要是要購物袋，就需要加至少$2， 這措施讓網民深感不滿，故有人指自己自從不給膠袋後，就沒有再幫襯過。

資料來源：連登討論區