深水埗cafe針對客人設5大規條　網民熱議：食餐飯好似要簽約！

網上討論熱烈反應

該西餐廳在社交平台上發布了一則帖子，詢問關於「最低消費計法vs平均消費」的建議，並附上餐廳的菜單。菜單顯示出有5大規條，更要求客人「為免爭議發生，請細心閱讀。」

1. 繁忙時時：90分鐘用餐時間
2. 午餐及晚餐：一人一主菜或每人單點項目累加$80或以上
3. 公眾假期及晚餐：一人一主菜，或第二位需以正價加配小食及消費項目為 $80 或以上
4. 5-10 歲小朋友最低消費：一客正價蛋糕，或$40以上飲品一杯
5. 設有加一服務費

網民不滿：睇Menu好似簽約咁

Cafe在分享帖文後不久即被圍插，馬上刪除文章，但網民仍在討論區討論事件。不少網民都認為店家的做法是倒米行為，更指他的規條寫得不清不楚「英文就寫加蛋糕+$38 但中文係+$35-$38? 如果係咪都加$38再加差價 就咁寫跟餐買蛋糕平$10咪得，然後兩條中文寫嘅最低消費條款又寫到1999，根本就咁寫人頭每位最低消費$80咪得，唔洗當D客白痴 教人點樣嗌夠$80」

• 「個個餐都百幾蚊，點樣先可以消費低過80蚊？講唔比剩坐咪算囉，呢啲濕碎數都咁計較，間野應該盤數都掹掹緊，應該好快執笠」
• 「就係香港人夠水魚先咁多無料既爭住旺區開鋪賣垃圾交租」
• 「態度條款語氣咁X」
• 「唔想睇，無哂胃口」

網民直指收費太貴　恥笑：文青水魚圈

許多人對於餐廳的高消費門檻表示不滿，認為「lunch $150食個意粉」、「真係黐線貴到傻傻」、「升級乜撚野飲品要加咁撚貴」。有網民更是直言，深水埗的消費水平與餐廳的定價不符，相比之下，深圳的餐飲價格更為合理，「去深圳一舊水食到海鮮餐添」。

該餐廳隨後刪除了原帖，並分享了一些遇到的「最低消費奇遇記」，質疑是否應該「直接硬性規定每人一個主食」，來合理化自己的5大規條，但網民依然不賣帳繼續圍剿店家。