港媽投訴Cafe唔歡迎小朋友用餐：2歲BB都收$70人頭費＋店員態度惡劣

港媽投訴Cafe唔歡迎小朋友用餐

這名港媽與老公帶著2歲小孩前往深水埗一間cafe用餐，他們有事先致電餐廳查詢有沒有BB櫈提供，誰知對方一聽到有BB就表示沒有BB櫈，並指要收$70人頭費。事主聽後即反映指：「BB得兩歲唔會食嘢」，但對方堅持要收費，雖然如此但事主仍覺得可接受，因此便進入餐廳。

在事主點餐期間，她老公就與BB行到玻璃門囗附近觀看街景，過程中沒有觸碰到店內任何物品。不過店員就指「BB唔坐好，唔可以嗌嘢食」，事主即解釋指我明白小朋友不能於店內走來走去，但亦希望他們能理解小朋友還很小，需要少少時間安頓，再次重申「我可以一路搞掂佢一路嗌嘢食」。

老闆：「你哋搞掂好個小朋友先至好入嚟食嘢」

但對方堅持不讓事主點餐，然後男老闆更叫事主：「你哋搞掂好個小朋友先至好入嚟食嘢」。事主聽到感到不受理解及憤怒：「我麻煩佢哋理解小朋友真係細，但係唔會影響到佢哋生意，兼夾嗰時得我一台客，並冇其他客人」。但男老闆與店員態度相當惡劣，不讓事主落單點餐，最後該名女店員更從事望主手中搶走Menu」。

事主被二人態度焫著，最後忍不住於Facebook群組大訴苦水：「我明白Cafe唔係招呼小朋友，但係佢哋態度惡劣，兼且一啲同理心都冇」。事主再次重申當時店內沒有其他客人，而BB既無喧嘩大喊，亦冇掂過佢店內任何物件，所以絕對沒有影響店舖做生意：「我亦都只係要求佢俾多少少時間我去安頓個小朋友，但係佢哋連咁小嘅同理心都冇，簡直可恥」。

最後事主表示一間好cafe除了要食物、飲品出色外，老闆同啲員工亦態度都好重要，「就好似今日呢件事嚟講，我真係明白小店舖唔歡迎小朋友，因為小朋友真係難控制過大人，亦有可能影響生意，但係最緊要係佢哋嘅態度」。事主指若是店舖能一開始開門見山就講明不歡迎小朋友或是於店舖內標貼不准小朋友進入，她就不會帶小朋友光顧該間cafe，更不會有後續的事件發生。