啟德Airside麵包店佈滿CCTV震驚港人 網民恥笑：賭場都無咁多Cam
廣告
啟德Airside開幕後話題有增冇減，依然日日爆場，不少港人都會前去閒逛一番！近日有港人於airside行街期間意外發現當中一間麵包店裝了超多CCTV，從事主所傳的照片可見至少有15個閉路電視，超級誇張。
啟德Airside麵包店佈滿CCTV震驚港人
有港人於啟德新開幕的商場Airside行街時驚揭一間麵包店舖滿佈CCTV，令他驚呼「Airside最強CCTV之鋪，賭場都無咁多Cam」。
網民超驚訝：啲包入面有金？
此帖引來逾2千名網民關注，一眾網民表示極度震驚，有人指店舖CCTV多的程度嚴如賭場及金舖，「CLS!!!!!賭場呀？」、「0死角」、「唔通D麵包個餡入面有金？」、「鋪頭鑲金架？」、「好得人驚bor」。
不少網民都搞笑表示店舖此舉是為了保護麵包的人身安全：「守護住每一個麵包」、「最有安全感的麵包店」、「生命麵包」、「或者係新消防灑水系統」。亦有人指出其實該集團旗下所有麵包店同樣都佈滿CCTV，「間間舖頭都係咁」、「呢間連鎖嘢最出名唔係麵包係鏡頭」。
內行網民拆解背後原因：唔係防偷嘢！
另有知情人士揭露CCTV陣背後的原因：「用嚟睇fill貨嫁」、「啲cam陣主要唔係防偷嘢，係中央監察住啲貨，佢哋要求繁忙時間無論啲包賣剩幾多，所有包架都必須要長時間滿貨，吸引人流」。
圖片來源：Facebook@啟德居民自由講～、《世界第一麥方》劇照、《幸福的麵包》劇照 、《浪漫麵包屋》劇照資料或影片來源：Facebook@啟德居民自由講～
