黃大仙中心牛奶冰室重開 ！9月黑雨水浸被淹沒 網民即幫襯：估唔到咁好食

黃大仙中心牛奶冰室重開！網民幫襯支持：估唔到咁好食

記者於上周五到訪黃大仙中心，見底層的牛奶冰室已經裝修得七七八八，工人們都正在圍板逐一拆掉，原來是為了迎接在周日重開（19/11），裝修更之前的設計驟眼望落無太大差別，都是招牌木屋造型，

有網民已經率先去了幫襯打卡，一整排麵包櫃非常吸引！現場還有不少人堂食。有從來未食過牛奶冰室的網民特意去支持，茶餐時間點了一個芝士火腿三文治、冰火菠蘿包、3隻脆雞翼和兩杯餐飲都是$75，食物味道不差而且性價比高，員工更很有禮貌，叫大家多多支持！

今日北館牛奶冰室開番，從來未食過，見佢之前水浸咁慘咪入去支持吓喇，$75蚊兩個茶餐仲追加一份雞翼，估唔到咁平食物質數幾好喎，菠蘿油同雞翼熱辣辣，三文治大大件，員工服務有禮貌…抵讚👍

以下為較早前9月報導：

黑雨｜黃大仙中心由入口至LG都是重災區，LG全層更被淹沒，多間餐廳受影響，當中牛奶冰室損失最慘重，現時更連餐廳都找不到了！即睇咩情況！

黃大仙中心水浸上頂 牛奶冰室被淹沒！

今次黑雨，香港損失慘重，而黃大仙更是重災區，地鐵站、商場都大水浸，從網上瘋傳的圖片可見黃大仙中心北館水位已到一、二樓層的高位，而地下的牛奶冰室更被淹沒，相當誇張。有市民表示今朝7點還可見到仲見到餐廳內部，但轉眼間水位已淹沒招牌，再到11、12時已變成「水底餐廳」。

是次黑雨對牛奶冰室造成嚴重的損失，保守推斷，餐廳內部所有電器將要報銷，而且亦要再額外花錢重新裝修餐廳，相信亦是一筆昂貴的費用。另外，從相片可見餐廳雜物全漂浮在水上面，有餐牌、餐具等，亦需要一番心機及時間整理。

網民：今次損失慘重

黃大仙中心水浸情況惡劣，網民都表示擔憂：「成個商場浸咗」、「成間牛奶冰室冇咗」、「最緊要人冇事」、「底層人流多，水流都多」。不過亦有網民指餐廳質素差，因此不可憐其情況：「唔食呢間 ，絕對唔可惜。 貴又唔係好好食」。