麥當勞D24榴槤麥旋風一杯難求！多間分店售罄 一文睇清邊間仲有貨！

即睇各分店售賣情況：按此

麥當勞D24榴槤麥旋風一杯難求！

今個夏天，麥當勞D24榴槤麥旋風回歸，由馬來西亞直送榴槤蓉，配上幼滑新地，嫌味道不夠更可以加$15追加榴槤蓉，大受榴槤控歡迎！不過供應期只有短短兩個星期，因此不少榴槤迷都把握這機會，去各分店買杯來食！

榴槤控激讚味道完勝IKEA！

開售後隨即吸引眾多食客去買，一眾榴槤控都對D24榴槤麥旋風評價超好，有不少今更大讚味道完勝IKEA雪糕，「今次唔係用香精，係真榴櫣蓉，比IKEA上個月榴櫣雪糕更好味，更抵食」、「職員好用心，每杯都充分攪拌，雪糕同榴櫣蓉完全融合，味道自然，口感絲滑」、「呢個連我呢個唔鐘意食榴槤既人都十分ok…我媽直情讚口不絕話好香」。

約有35間分店售罄

不過，有不少網民就表示一杯難度，大呻有不少分店已經售罄，大呼可惜，「排定隊等聽日」、「銅鑼灣，1730已賣哂！」、「 今日去第一城買已經sold out 喇」。編輯於截稿時（12時30分）見到全港約有35間分店售罄，25間分店少量供應，另有44間分店尚有供應，大家要把握機會啦！

即睇各分店售賣情況：按此

網民激讚1隱藏食法

重口味人士可以加$15追加榴槤蓉，有網民建議追加時要職員不要攪均，力讚味道更出，「超級好味，我叫佢唔使轉入去，直接擺係面就得，望住2球榴槤肉好開心」。