麥食當勞驚見薄身芝士安格斯漢堡包 港男不滿轟：又薄又黑肉又乾！

麥當勞驚見超薄身安格斯漢堡包！

近日有港人於Facebook「飲食黑店大全 (全港食店質素/價錢/服務關注組)」群組發帖控訴麥當勞漢堡包份量縮水，從事主所貼出的相片可見他所買的芝士安格斯漢堡包，牛肉相當薄身，顏色偏黑，目測肉質很乾，事主不滿麥當勞食物加價，但質素及份量卻不成正比，他怒斥：「安格斯點解薄咗咁多，又薄、又黑、肉又乾⋯廚房點煎嘢，又黑又乾都照比客人食⋯」。

網民不滿：而家就係普通牛肉

事主的帖子獲得一眾網民的認同，大家紛紛炮轟安格斯漢堡包水準下降，「食孖芝好過食安格斯」、「安格斯呢個餐，喺嗰次減價後 就變咗另一樣嘢」、「除咗初頭推廣期，後面全部巨無霸嗰隻紙皮牛咁」、「而家既安格斯好似同普通個塊牛一樣咁」、「薄咗都算X數，但舊肉難食咗好X多先係最大問題」，有人就點出漢堡包份量與以往大不同，「以前安格斯塊牛肉勁厚」、「而家塊牛薄到紙咁」。亦有食客貼出自己食安格斯漢堡包時同樣遇到的食物縮水情況。

另有部分網民就表態不顧再幫襯，「其實都加到同出面啲舖頭差唔多價錢，點解仲要食佢？」、「食小啲類似食物，正正經經食碟飯好過啦」、「放棄啦…..老麥已經唔係以往嗰間」、「質素一年比一年差，薯條又凍又乾」、「咩都越黎越求X奇，少食咗好多」、「覺唔覺麥當勞啲薯條幼咗好多， 就算新鮮炸起都唔好食」。