男子食麥當勞好心讓位反被批唔執枱「冇文化」！ 網民罕有兩邊都唔撐！

食麥當勞被串唔執枱無文化 網民竟然兩邊都唔撐？

快餐店食飯時間多數都好多人，不時都會見部分人企在別人的枱邊等枱的情況。當日樓主自己一個食麥當勞，見有一對男女等張枱，於是就快快食完想讓座給他們，誰料當時人一起身，就被二人好不禮貌的叫住，令樓主感到好錯愕，更因此嬲到要出帖文發洩！

等枱男女竟然大大聲叫樓主：「執好枱先走！」樓主就表示眼都「突」埋，立即心入面爆粗，指：「有員工會執」，點知對方竟然反話樓主無文化，更問他是否從中國大陸來港！

樓主當下廢事嘈，於是就執走垃圾離開，不過愈諗愈嬲，覺得自己根本沒有做錯，更指麥當勞有員工專門負責執枱，不可能次次都是自己做埋員工個份，難道要自己衝去炸薯條食？

網民兩邊都唔撐！

事件引起不少網民熱烈討論：究竟食完快餐需不需要執枱。網民罕有兩邊不撐，不過有人仍覺得不少地方都有員工負責執枱：「你咪同佢講，你執咗枱，即係唔洗請咁多人，香港失業率上升係咪你負責？」。另有人就指自己一向食完都會執枱，而且在外國一向都是有執枱文化，覺得比較有手尾。

較多網民就認為，執枱與否根本不是重點，反而是因為對方沒有禮貌，因此不用與對方客氣。有人就覺得樓主不應該當時認輸，更表示：「係唔需要執！不過你最後自己屈服。」、「香港M記唔執係自己鍾意，冇啱同錯」、「即刻坐返低玩吓手機玩手指」、「我自己就會執咗先行開嘅，不過如果樓主你依個情況嚟講就唔好執，由得佢擺翻係枱，之後就走，佢地吹你唔脹㗎」。

更有人表示事後自己嬲根本沒有意思，應該要報復，建議樓主應該花多20分鐘睇對方食完快餐之後會不會執枱，就可以反話對方無文化。

原文：連登討論區