魚肉腸到底應該點樣開？網民分享解開金屬扣4大方法正確開法原來係咁！

Oct 8 2024

魚肉腸一家是香港人的集體童年回憶，如何開魚肉腸一直是個謎！最簡單直接又文明的話，一定是用鉸剪，不過網民留言教路，用鉸剪都要有技巧；更有不少勇士因為用牙咬，而搞到崩牙，真係令人哭笑不得！另外還有一個終極開魚肉膠方法，一秒即K.O.，乾淨俐落，究竟係咩呢？

魚肉腸點樣開？網民大分享絕招

1.用鉸剪開：剪刀落位好重要！

帖文引來大量網民分享開腸心得，不過原來好多人都不知道應該怎麼開：「我開咗幾十年都係唔識開」、「我一直好奇正確食法係點食」，最文明、斯文的方法就是用鉸剪：「從來無試過用手可以順利整開，次次用鉸剪」更有人分享兒時回憶，小食部有開魚肉腸的專用鉸剪：「我記得細個小食部係有把鉸剪，就係俾我哋剪呢樣嘢」嘩！小食部好sweet好窩心呀！

不過用網民教路，想一次過撕開腸衣，也要有技巧：「扣下面剪開少少、吾好剪斷、然後連扣一齊拉落去」，並叮嚀大家：「make sure把鉸剪要乾淨、吾好剪得太深」。

魚肉腸有網民就在Facebook群組「90年代回憶 (新版)」發帖：「要解開芝士腸雞肉腸個金屬扣應該係香港十大懸案之一」。（圖片來源：「90年代回憶 (新版)」群組截圖） — 有網民就在Facebook群組「90年代回憶 (新版)」發帖：「要解開芝士腸雞肉腸個金屬扣應該係香港十大懸案之一」。（圖片來源：「90年代回憶 (新版)」群組截圖）

魚肉腸魚肉腸應該點樣開最好呢？就連ViuTV都有節目討論過！（圖片來源：ViuTV《超識玩》截圖） — 魚肉腸應該點樣開最好呢？就連ViuTV都有節目討論過！（圖片來源：ViuTV《超識玩》截圖）

魚肉腸網民非常有心，上載影片示範，先在金屬扣下剪一個小開口。（圖片來源：「90年代回憶 (新版)」群組截圖） — 網民非常有心，上載影片示範，先在金屬扣下剪一個小開口。（圖片來源：「90年代回憶 (新版)」群組截圖）

魚肉腸剪一個小開口，不要完全剪斷。（圖片來源：「90年代回憶 (新版)」群組截圖） — 剪一個小開口，不要完全剪斷。（圖片來源：「90年代回憶 (新版)」群組截圖）

魚肉腸順著拉，便會俐落地撕開腸衣。（圖片來源：「90年代回憶 (新版)」群組截圖） — 順著拉，便會俐落地撕開腸衣。（圖片來源：「90年代回憶 (新版)」群組截圖）

2.用牙咬：想成功一定要用呢隻牙！

不過講到最粗暴直接的方法，一定是發揮人類最原始的本能 ——用牙咬：「用牙咬實跟住向一個方向扭直至斷開，之後就可以拉到落底，不過牙仔好攰」、「用口咬甩頭」不過有些勇士太有牙力，有時咬錯位，就會直接和金屬扣對抗，慘劇就會發生：「咬到牙都爛都未開到」更有人咬崩牙：「見過一次同學邊扭邊扯⋯⋯門牙爆了⋯⋯以後都搵野開好了」、「呢粒鐵就令我爆左一隻牙」真的聽到都牙痛呀。所以有網民呼籲唔好試：「最好唔好，牙齒好貴」。

不過如果咬啱位，牙齒應該不會受到傷害：「接縫對面金屬扣下dd咬開個小口，然後反方向一扯，成條接縫就會被撕開。」更有人好詳細地明言要用犬齒：「腸中間有條垂直包裝條既物體，只要用犬齒插落去金屬圈下面包裝條對面個位一拉就得」有人會中間唉開：「中間位置用牙咬就爆開」有人笑言公司同事知道這個方法後：「全公司都變咗彌豆子」，有人夠牙力，更成為學界紅人：「我咬開好叻。同學排隊叫我開」童年回憶返晒黎！

魚肉腸不少人都會貪方便，直接用牙咬開。（圖片來源：ViuTV《超識玩》截圖） — 不少人都會貪方便，直接用牙咬開。（圖片來源：ViuTV《超識玩》截圖）

魚肉腸但萬一牙齒和金屬圈有碰撞，有機會咬崩牙。（圖片來源：ViuTV《超識玩》截圖） — 但萬一牙齒和金屬圈有碰撞，有機會咬崩牙。（圖片來源：ViuTV《超識玩》截圖）

魚肉腸網民：「我發現喺呢個位咬落去就易啲撕開。」這個位置應該不會傷害牙齒吧。（圖片來源：「90年代回憶 (新版)」群組截圖） — 網民：「我發現喺呢個位咬落去就易啲撕開。」這個位置應該不會傷害牙齒吧。（圖片來源：「90年代回憶 (新版)」群組截圖）

3.中間扭開：秘訣是「一鼓作氣」！

不想牙齒受罪的話，可以試試用手扭開：「我習慣中間扭斷」、「中間扭，大力一扯，腸皮即爆開」、「中間用力扭，扭到兩邊膨脹，就會爆」原來不少人都知道這個方法，而且覺得這個方法非常好使：「見識咗可以中間扭開，簡直係哲學嘅啓蒙。」不過用這個方法都要點時間及手力：「呢個要一鼓作氣。唔係就真係再而衰，三而竭」。

魚肉腸有人會在中間扭，不過都要用點手力。（圖片來源：ViuTV《超識玩》截圖） — 有人會在中間扭，不過都要用點手力。（圖片來源：ViuTV《超識玩》截圖）

魚肉腸在中間扭幾下，再一拉，自然會爆開。（圖片來源：「90年代回憶 (新版)」群組截圖） — 在中間扭幾下，再一拉，自然會爆開。（圖片來源：「90年代回憶 (新版)」群組截圖）

4.終極方法：用牙籤幾秒立即K.O.

有人分享一個極速開腸的方法，竟然是用牙籤，幾秒立即K.O.：「講都唔信！我都係最近啱啱發現一個新嘅方法，就係用支牙籤響個皮度篤兩個窿，跟穿枝牙籤過去，將皮微徼抽起，向下滑。咁就可以將佢完全解開！」、「用牙籤喺冇摺嗰邊既頭拮一個窿就好易撕開」、「識用一定用牙簽」。這個方法雖然聰明又快捷，但也有人唔太Buy：「重點係想食時冇人想搵工具」、「屋企都冇用牙籤好耐」。大家又鍾意哪一個方法呢？