文苑飯莊食評｜百萬YouTuber馬田撞機「有啖好食」同日出片食評超兩極

Mar 1 2024

文苑飯莊食評｜百萬YouTuber馬田與「有啖好食」昨日前後腳各自上傳一段在黃大仙的文苑飯莊，都自稱為「自費」及「真實食評」，但是馬田的食用體驗指餐廳「很難食」，亦被餐廳總監阻止拍攝並「要預約安排」，而「有啖好食」卻能夠清晰拍攝餐廳環境及每一道菜，片中亦大讚文苑有水準十分吸引，兩個頻道的食評兩極，引起網民熱議，更狠批「有啖好食」是收錢出片兼大讚餐廳，又鬧文苑一向「多打手」。

文苑飯莊食評｜馬田攜母到文苑拍片試食餐廳總監唔準拍：要預約安排

馬田昨日上傳一段帶同媽媽到文苑飯莊的食評分享，不過在拍片期間，就被餐廳營運總監入房阻止拍攝，指「餐廳平時都靠好多media,Foodie都有，要預約或各樣，我哋清楚知道，咁我哋先可以安排上可以」，馬田表示清楚後，影片就轉用錄音形式紀錄。馬田食完問媽媽對餐廳的評價，馬田媽媽首先就狠批「唔好食！」，只有蜜汁叉燒皇形容為可以，伊麵最差「斷晒一轆轆，唔知係咪隔夜，新鮮整好唔會咁」、「陳皮欖角脆鱔球可能個芡打得唔好好硬，啲魚炸到汁走晒冇魚嘅鮮味」、「豆醬生焗雞同我哋街市買嘅燒雞冇分別，賣相仲好衰」，馬田媽媽在知道這一餐要價$1,458，便再狠批「唔抵食又唔好食！」片末馬田更暗串一句「唔怪得佢唔畀影啦，邊個會讚呢間嘢好食嘅呢？」

文苑飯莊食評｜「有啖好食」前兩小時出片大讚餐廳有水準

有趣的是，原來另一飲食頻道「有啖好食」於馬田的影片前兩小時，同樣推出在文苑飯莊的食評分享，影片中不但可以拍到餐廳環境，每一道菜的賣相，更指文苑是「價錢相宜，環境舒服，招呼周到，而且食物水準不錯的中菜」，影片中對每道菜的評價都讚多過彈，而其中一道陳皮欖角脆鱔球，「有啖好食」亦同樣有食，指鱔球「火候一流，咬落夠脆，裡面仲有汁水，鱔嘅脂香鎖得實，掂！」同一道菜卻與馬田的食評大相逕庭，引起網民對「有啖好食」是否收錢出片或其實是參與餐廳的宴請Foodie飯。

文苑飯莊食評｜網民列3點質疑「有啖好食」非自費真實食評

事件迅速引起網民熱議，同一間餐廳，同一日出片，食評卻相差甚遠，而兩者都有列出自己的收據以證真實自費，馬田在Ig指「前日去，前晚剪，尋日畫，今日出。#如有巧合實屬不幸」，而「有啖好食」在片中亦指明自己更去了食兩次，亦展出自己的收據，昨日更在Ig展出另一張收據澄清指「3個月前食，幾日前剪，今日出。如有雷同，真係雷同」，不過，就有網民質疑「有啖好食」，說「其實印張收據出嚟好易，唔收錢都做到」。