金魚街店舖霸氣告示惹爭議！僅限小紅書美女拍照、拒答任何人問題

金魚街店舖貼5大霸氣告示 僅限美女拍照？

從照片上可見，金魚街店舖的有不同的告示，當中包括：「本店有權不回答任何人問題，由其是那些心目中已有既定答案，又要問又要唔信人的西人，以免不必要爭執，多謝合作！」、「如果你不是弱智的，請不要將魚撈出撈入」、「您好，如果你問我問題，我唔出聲唔答你，咁代表我一出聲記智噴你一面屁，咁係咪唔答好D。」、「各位自由行同胞朋友，歡迎來香港金魚街＜請隨便拍照＞，祝旅途愉快！（歡迎拍照，尤其是美女）」。

網民極反感 諷刺祝老闆：魚樂無窮

對於這些告示，網民們在社交媒體上留下了不少諷刺和評論。有人說：「呢間嘢有故事㗎！以前就撈完俾錢，有日有人撈完之後影完相倒返落個魚缸」。另一位網民則表示：「真心唔好打搞老闆啦，等佢靜靜地欣賞魚樂無窮算啦」。還有人提醒說：「冇乜事唔好去阻住人地做生意」，而有網民則解釋：「如果你睇咗呢類相，就會明點解佢要趕“客” 阻人做生意滿足自己」。

有人則對店舖的服務態度提出批評：「我好有禮貌地去幫襯過，亦沒犯他的規條，D魚係平，不過好易死，全條金魚街最衰一個！」，也有網民評論指：「佢淨係要做小紅書美女嘅生意，其他人一律免問」。