茶餐廳拒收兩個5毫子 港男怒罵犯法！網民反斥：法例冇話唔可以拒收

茶記收銀拒收兩個5毫子 港男怒斥犯法

「依兩個五毫子係香港法定貨幣，你唔可以拒絕唔收，如果你真係唔收我就叫警察嚟，問你間舖頭點解唔收香港法定貨幣，係唔係寫咗幾個字喺收銀前面就可以拒絕收毫子」。最終，收銀員在無奈之下接受了五毫子，但警告稱「今次收你，下次唔收！」。該事件引發了網民的廣泛討論。樓主最後又表示「所以依家香港人個個一有時間都會上深圳食嘢，服務態度好，又平又抵食，成日講救下香港啲小商店，點救呀？ 自食其果！」

網民反駁：法例冇話唔可以拒收

網上的回應各異，有網民認為，隨著電子支付的普及，實體貨幣的使用已大大減少。有網民認為，「現在都是電子支付多，毫子其實流通量都不大，如果客戶真是只有散紙或毫子可以跟餐廳溝通一下，應該可以協調的，不需要下下講到要報警講法例咁，如果你只有毫子，那麼就不要去寫明唔收毫子嘅餐廳食嘢，等同有啲講明只收現金，但你就用visa咁真是難為收銀。」。另一方面，有人指出法律並未明確禁止商家拒收某些法定貨幣，「法例冇話唔可以拒收，條友亂講，咪當真」。

而有網民分享指出，5毫子屬於法定貨幣，但並沒有法例規定拒收屬犯法：

（二）《硬幣條例》（第４５４章）第２（１）條規定，經行政長官會同行政會議授權發行的硬幣，只要該等硬幣沒有經過任何受法律禁止的形式處理，即屬作為下列款額用途的法定貨幣： （ａ）以面額不少於１元的硬幣而言，所支付的款額不超逾１００元； （ｂ）以面額少於１元的硬幣而言，所支付的款額不超逾２元。

而且因為銀行會收手續費，如滙豐銀行、恒生銀行及花旗銀行的客戶每日存入500個硬幣或以下，均免手續費，但如果存入500個硬幣以上則收取高達存款額的2%或至少HK$50作手續費，因此有許多店家都拒收毫子，以減低手續費。

網民齊插樓主：內地仲嚴重你又要拎嚟比

此事件不僅反映了香港社會在支付方式上的轉變，也觸及到法律與商業實踐之間的矛盾。一些網民認為，即使法律規定五毫子為法定貨幣，商家也應有選擇是否接受的自由。「條例『只是』講什麼是香港法定貨幣，冇講唔收係犯法，唔識就問啦，咪自行解讀完又扮識咁。」，一位網民指出。此外，有網民對於上述網民的行為表示不解，認為沒有必要因為兩個五毫子而報警。「咁人地寫到明，你硬係要挑戰人地做乜謂呢？」，一位網民評論道。

其他網民留言：

• 「X客何其多，為咗2個5毫去報警，仲話要上深圳，你去喇。食多啲元素周期表。」
• 「咁都入到位唱好北上，哥哥仔不如同一件事攞黎同深圳比丫，有冇試過北上比毫子？咪話毫子宜家比現金都黑面啦你又唔講？」
• 「老兄你錯了，香港係無法例規定商店一定要收港幣㗎，我都試過瀨嘢了。」
• 「其實內地好多唔只毫子唔受，仲真錢都唔收，搞到有啲城市要政府貼告示提佢錢都係法定貨幣。明明呢個問題內地仲嚴重你又要拎嚟比，係咪曲？」