餐廳食飯被拒打包攞走 港女控訴餐廳服務質素極差！反被網民指是西客！

港女轟餐廳2宗罪

有網民在Facebook群組中出帖投訴油麻地某餐廳服務態度奇差。他和朋友一行四人，到這間湯麵餐廳食飯。帖主指自己本來就不餓，所以便想和朋友分享一個湯麵，所以當時總共點了三個餐。但後來因為店員的失誤，沒有向他們解釋部份餐的食材缺少，所以要更改餐。而且原來餐廳有最低消費，所以帖主指被迫叫花膠響螺雞煲。最後下單三次，共四個餐。

帖主要求打包但餐廳拒絕！

後來帖主指自己不肚餓，所以就只喝了湯，打算不要浪費便把剩餘的雞打包，於是向店員要求拿外賣盒。但店員拒絕並指著餐牌，向帖主表示不設外賣。帖主不解並表示可以在餐廳叫外賣，但卻不可以因為吃剩而打包拿走。帖主指自己明明明明是客人付錢消費，不明白為何簡單要求都被拒，並大叫要求老闆到場處理。

店員打電話給老闆，帖主接聽後指老闆的態度極差並向他表示可以打包帶走，但必須付原價。帖主指要求不合理，因為餐廳內沒有寫明外賣打包帶走要付原價。後來店員指自助餐都不能打包帶走，帖主認為這句說話完全不合理，因為現在不是吃自助餐，更不是自助餐的價錢。其後帖主表示已經放棄和餐廳一方溝通，於是便把雞肉全部扔掉。

差點發生肢體衝突？

到離開時，帖主指店員想捉住帖主的手阻止他們離開因為他們沒有付錢。但帖主解釋自己離開前已經把款項放在收銀枱上，而旁邊都有另一店員。而店員指應該把款項交給店員，而非放在收銀台上，如是者爭吵了十多分鐘後，店員向帖主表示「未見過有人好似你哋咁」，帖主指自己就真的未看過有餐廳的服務態度差和不合理對待。

事件另有內情 西客惡人先告狀？

事件引起網民討論，意見兩極。不少網民認為樓主是西客，雖然帖文沒有說明，但該花膠響螺雞煲是特價餐，原價$128，特價$68，餐廳要求只准堂食要求很合理：「稻香1蚊雞都知道只限堂食，優惠價個個嚟到就話食飽拎盒帶走仲得了…」、「下次食自助餐試下用呢個理由打包」、「講到明只限堂食，唔畀外賣就唔好搞咁多，自己未睇清楚個餐牌就唔好怪人」、「如果講明優惠價、只限堂食，就唔好詐儍扮懵啦！接受優惠，當然亦必須接受附帶條件！過得人、過得自己呀！」、「人哋都寫到明仲同人哋嘈，西客真係無處不在」。

網民教路應付黑店！

但另有網民指餐廳規則不合理，雖然餐廳一方有定立規則，但作為消費者，遇到不合理的規則應該要反抗：「我係消費者，我俾左錢，但唔可以帶走？完全唔合邏輯既規矩囉！！！」、「唔比帶走係咪有啲乜成份驚比人驗出黎。。。」、「唔俾拎走 咪林走成份唔食一野扮唔小心車哂d野 俾野佢做下囉」、「貼錢買難受」、「我想問，餐廳列明既嘢代表香港法律or條例？是超然香港法律之上嗎？」

香港飲食業已亡？

不少網民都有批評餐廳的食物質素都是普通，而且服務質素一直都是為人詬病：「所以香港飲食業無得做就係咁，食物水平下降，服務態度差劣，抵香港飲食業執笠收場」、「唔講佢服務態度 呢間舖勁臭 同啲狗勁耐冇沖涼個陣味一樣」、「呢間野不嬲唔好食」、「垃圾野，不了」、「呢間嘢我都中過伏. 永不幫襯. 態度差環境擠迫龍蝦湯都比以前淡左差」。