網民點名一人一間最想執笠的餐廳！牛奶冰室、譚仔米線都榜上有名！

網民發起討論：一人一間最想執笠的餐廳！

1.百分百餐廳/牛奶冰室

百分百餐廳及牛奶冰室為同一個集團旗下，其服務態度及食物質素一直都有不少爭議，當中其檸檬茶不用新鮮檸檬而改用沖劑的舉動，而引來眾人負評連連，「化學凍檸茶，試過包你唔會返轉頭」、「買咗杯熱檸茶，超級難飲，只係飲咗一啖就要成杯掉咗，為咗慳錢用化學劑檸檬汁，真係非常之難飲」、「牛奶冰室，真係好難食杯凍檸茶好似藥水」。

2.意樂ITAMOMO

意樂亦是與百分百餐廳及牛奶冰室為同集團，不過同樣被網民炮轟指餐廳服務差：「員工服務態度好差，快啲執笠！」。

3.翠河

翠河是香港連鎖餐廳之一，分店遍佈全港多區。但其食物質素就令網民不敢恭維：「有誰可以挑戰翠河世一地位」。

4.太興

太興憑著燒味與中式小炒菜打響名堂，但近年來就被網民指水準下滑，「本身我已經唔食」、「而家得遊客先會食」。

5. 大家樂

大家樂是港人最愛連鎖店之一，過去有不少忠實食客，不過其近年來質素下降，食客都大呼失望：「上市後大部分分店都越做越差」、「大家樂。真係愈來愈差」。過去更被網民大鬧大家樂價錢上漲，但食物份量就大縮水，「大家樂又貴份量又少」。

6.譚仔米線

要說米線店龍頭，必有譚仔米線！不過都有網民狠批譚仔米線味道普通，不解為何其可開到成巷成市，「米線舖嚟講佢都算垃圾又貴，食返小店有誠意好多」。但亦有一眾譚仔忠粉出聲反駁：「譚仔真係無得輸，價錢實惠，至少keep到水準穩定」、「唔食譚仔唔好話係香港人」、「譚仔麻辣湯底簡直世一」、「食極都唔會厭」。

7.大渣哥

當中人氣餐廳大渣哥都榜上有名，「無人提大渣哥，係咪D水準高咗，還是已經執笠？」、「難食左好多」。