食飯禁忌｜10大屋企食飯離奇規條：筷子跌咗唔用得、忌夾餸畀家人｜飲食熱話
連登網民分享屋企食飯10大規矩／禁忌
食飯禁忌1）筷子一定要成雙成對
有時食飯會不小心整跌筷子，拿過一隻便可。不過有網友屋企要求筷子一定要成雙成對，跌了一隻筷子，即使洗乾淨再用都唔得，只是剩返一隻都唔得，一定要成對換。
食飯禁忌2）唔食飯唔可以食餸
平時若果不太肚餓，想輕盈一點會揀只是食餸不食飯。不過有網友分享自己去朋友家中作客用餐，當你食完飯，如果不再添飯，那麼就不可以再食餸。想食餸，一定要有飯同吃才可。
食飯禁忌3）唔可以餸汁撈飯
某些網友會喜歡點些多醬汁的餸菜來伴飯，例如番茄炒蛋、魚香茄子、粟米肉粒等，這些濃味多汁的餸菜，要是跟白飯一齊同吃，不知不覺會吃完一碗飯。不過有網友則分享自己家人不會讓他餸汁撈飯。
食飯禁忌4）屋企人唔可以夾餸畀自己
也有網友亦分享自己訂下的規矩，不準家人夾餸給他，因為會阻住碗內的空間及整濕碗飯，不同汁滲入飯，混在一起味道會變得奇怪。更表明，除非撈飯，否則碗飯會清得十分乾淨。
食飯禁忌5）畀咗家用先畀食飯
家用可是一眾港人要苦惱的問題，部份港人更會想到底要畀幾多家用先夠？雖然沒有一個正式答案，不過家用代表住回饋父母的養育之恩，是時候到自己付出，讓他們過些安逸生活。也有些港人認為給家用想法太過時，心意及行動便夠，無需傳統地固定每月給家用。不過有網友則表示自己家中則是一定要畀家用，否則連住家飯都唔畀食，相當現實！
食飯禁忌6）女人要等男人食先才可埋枱食飯
有網友則表示自己家中相當傳統，必需要等家中男人食飯，待他們用餐完畢後，女人才可以埋枱食飯。這規矩讓一眾網友嘩然，更有網友笑言「你屋企嘅女人仲使唔使纏足？」。
食飯禁忌7）要叫長輩食飯
尊重長輩是傳統美德。有網友分享自己屋企食飯需要逐個叫長輩食飯。不禁想到若然是大家族，那麼叫每個長輩食飯亦需時。另外有網民表示自己屋企調轉，自己食完後再叫長輩慢慢食。
食飯禁忌8）開飯會打鐘
以前學生時期，一到午餐時間會打鐘提醒大家夠鐘食飯。而有名網友家中開飯會打鐘，當家人聽到鐘聲再自己下樓食飯。到底有幾大才需要鐘聲叫大家食飯？
食飯禁忌9）有湯唔畀飲水
出外用餐都會少湯水，所以家中一碗靚湯是不可缺少。但若然飲湯再飲水就會好飽肚，故有網友表示媽媽煲湯的話就只能飲湯，不能飲水，故他兒時怕媽媽責怪，會偷偷地廁所飲水喉水。
食飯禁忌10）唔可以講食完／食曬
平時食飽後，大家會說甚麼示意自己已飽了？有網民家中只能講食飽，不能講「食完」或者「食曬」，因為這樣不好意頭，代表家中不夠豐衣足食，糧食不足。
