韓國KFC推Tiffany Blue炸雞醬 網民：搵支槍指住我先會食｜飲食熱話

韓國KFC推Tiffany Blue炸雞醬 期間限定薄荷朱古力味

最近韓國流行薄荷朱古力，Starbucks、海太製菓食品、韓國零食製造商Orion等多間大企業都紛紛薄荷朱古力口味的食物及飲品，就連韓國KFC都乘勢推出「Mint Choco Dipping Sauce」薄荷朱古力炸雞醬，由7月中至8月8日作期間限定發售。

反胃！一pat pat泥綠色似漿糊！

韓國KFC將這款新口味的炸雞醬形容為「黑甜朱古力及薄荷的清爽口味」，不過大部分網民都覺得似牙膏味！要知道薄荷朱古力就如榴槤一樣，鍾意的會很愛，不鍾意的會很討厭。日本網站「Rocket News 24」的記者Soon Pysons，就決定親身試食！作為一個喜歡薄荷朱古力的人，Soon Pysons第一眼見到個醬已經覺得唔開胃！廣告中的薄荷朱古力醬，是明亮的藍綠色，但實物卻是混濁的薄荷色，很有伏味！食落口，完完全全是薄荷朱古力，跟炸雞的香料味一啲都唔夾，覺得好難食！

反應兩極！有網民大讚好味！

對於這款新口味，大部分網民都投反對票，表示「好似食牙膏，可能有機會防口臭」、「雖然喜歡薄荷朱古力，但這個不行」、「如果用槍指住要脅的，可能會食」，但同時亦有網民表示「可能意外地好食呢？」、「似乎很好食，很想試試」等。韓國不少KOL都有拍片試食，靚女KOL Doni Kim就食到面容扭曲； 而人氣KOL Jerry就一臉嫌棄的表情，片尾最後更是他把薄荷朱古力醬掉入垃圾桶！不過亦有IGer表示很好吃，更稱配鬆餅最好食！